Երբ դուք 86.600 քկմ-ի մասին եք խոսում, նշանակում է՝ արդեն ձեզ համար կոնխորոշել եք Ղարաբաղի կարգավիճակը՝ առանց ունենալու Արցախի Հանրապետության իշխանությունների լիազորությունը. Աժ-ում բյուջեի կատարողականի քննարկման ժամանակ ՀՀ Արտաքին գործերի նախարարին դիմեց «Հայաստան» խմբակցության պատգամավոր Արթուր Խաչատրյանը։
Նա շարունակեց. «Կոնկրետ պատասխանեք՝ դուք Արցախի Հանրապետության իշխանություններից լիազորություն ստացե՞լ եք՝ Արցախի նկատմամաբ վերահաստատել Ադրբեջանի գերիշխանությունը։
Երբ ՀՀ-ը շուրջ 200 երկրի տարածքային ամբողջականություն է ճանաչել, չի ասել՝ ես Իրանի տարածքային ամբողջականությունը չեմ ճանաչում, որովհետև այդ երկիրն ունի չսահմանազատված տարածք։ ռուսաստանն ու Ադրբեջանն իրենց տարածքքները սահմանազատել են 2010 թվականին։ Եվ այն պնդումները, թե ԱՊՀ ձևավորվելուց հետո Սովետական Հանրապետությունների վարչական սահմանները դարձել են պետական սահմաններ, իրականությունից շատ հեռու է, այլապես Ռուսաստան-Ադրբեջան սահմանազատումը 2010-ին տեղի չէր ունենա։ Ադրբեջանն ու Ռուսաստանը, լինելով ԱՊՀ կազմում, այդ հարցը կլուծեին կվերջացնեին 1993 թվականի սեպտեմբերին, երբ Ադրբեջանը պաշտոնապես անդամակցեց Ադրբեջանին։ Հայաստանն ու Վրաստանը երկար տարիներ ԱՊՀ անդամ են, ինչո՞ւ մինչև հիմա սահմանները սահմանազատված ու սահմանագծված չեն»։
Մանրամասները՝ տեսանյութում
