«Սյունիքում երկու գերեզման կա՝ 300 տարվա, իրարից ոչ շատ հեռու, մեկը՝ Մխիթար սպարապետինը, մյուսը՝ Մելիք Ֆրանգյուլինը:
300 տարի անց հայ զինվորը կամովի գալիս-ծնկում է Մխիթար սպարապետի շիրիմին և ասում է՝ երդվում եմ մինչ ի մահ ծառայել հայրենիքիս…
Եվ ամեն մեկը, որ անցնում է Մելիք Ֆրանգյուլի գերեզմանի մոտով, որի ժառանգները կան, թույլ չեն տալիս անգամ ցանկապատել գերեզմանը։ Եվ գյուղի գերեզմանոցից դուրս է թաղված՝ որպես տականք, որպես դավաճան։
Եվ ամեն երեխային գերեզման տանելուց, որ գնում են անցավորների շիրիմներին, ասում են՝ բալես մի հատ չիշիկ արա Մելիք Ֆրանգյուլի գերեզմանին…
Ձեր հերթը գալու է, ձեր շիրիմները պղծելու են, որովհետեւ դուք պղծել եք հայոց ապագան»,-ասել էր Գագիկ Գինոսյանը՝ վայր դնելով Հանրային խորհրդի անդամի իր լիազորությունը:
Գագիկ Գինոսյանի հոգեհանգիստը Նոր Նորքի 5-րդ զանգվածի Սուրբ Սարգիս եկեղեցում էր, այսօր։ Հոծ բազմություն էր մտնում եկեղեցի՝ մեծ հային հրաժեշտ տալու։
ԿԳՄՍ նախարարությունը թույլատրել է, որ Գագիկ Գինսայանի վերջին հրաժեշտը տեղի ունենա Կոմիտասի անվան երաժշտության տանը։
Տրամաբանական հարց է առաջանում՝ ինչո՞ւ մի քանի ամիս առաջ թույլտվություն կար երգիչ Արա Մարտիրոսյանի վերջին հրաժեշտը կազմակերպել «Արամ Խաչատրյան» սրահից, իսկ Մշակույթի վաստակավոր գործիչ Գագիկ Գինոսյանի դեպքում՝ չկա։ Որովհետև Գագիկ Գինոսյանը իշխանության երեսին շրխկացրել է, թե ով է այն իրականում, որովհետև Գագիկ Գինոսյանն Ալեն Սիմոնյանի ընկերը չէ՞ր, ինչպես էր Արա Մարտիրոսյանը։
Քավ լիցի, Գագիկ Գինոսյանը չէր էլ կարող Ալեն Սիմոնյանի ընկերը լինել։
Իշխանությունները փոքրոգի են ու քինախնդիր. բազմիցս է ապացուցվել։
Ապացուցվեց նաև այս անգամ։
