Սուրբ Աննայի բակն այս երեկո էլ լեփ-լեցուն էր։ Բոլորը սպասում էին Բագրատ Սրբազանին՝ ամփոփելու օր։ Այսօր դիվանագետներն են դատապարտել իշխանությունների վարած քաղաքականությունն ու հատկապես սահմանազատման գործընթացը։ Տնտեսագետները ևս խումբ են կազմել, այսինքն՝ ինշխանությունների ավերածությունների դեմ պայքարելու համար տարբեր ոլորտներից մասնագետների խմբեր են ձևավորվել։
Շարժման առաջնորդները վաղը «Նեմեսիսի» արձանի մոտ հանդիպելու են գիտնականների, դասախոսների հետ, առաջիկայում հանդիպումներ են նախատեսված բժիշկների, տնտեսագետների, կրթության ոլորտի մասնագետների, մշակույթի գործիչների հետ, իսկ շաբաթ օրը՝ ժամը 11-ին, Բագրատ Սրբազանը կհանդիպի քաղաքական ուժերի հետ։
«Հանուն Հայրենիքի շարժման աջակիցների թիվն օր օրի մեծանում է, միայն 600 հոգի կամավորագրվել է երեկվանից։
«Ես այս պայքարից ետ ոտք դնողը չեմ, եթե մենակ էլ մնամ այս հրապարակում, պայքարելու եմ»,-ասաց Բագրատ Սրբազանը։
Նա տեղեկացրեց, որ հանդիպումներ են տեղի ունեցել մի շարք կուսակցությունների ու գործիչների հետ՝ «Հայրենիք» կուսակցության, ԱԻՄ նախագահ Պարույր Հայրիկյանի, Շանթ Հարությունյանի, տարբեր անհատների, տարբեր ոլորտների ներկայացուցիչների հետ։
Սրբազանը նաև հայտնեց, որ շուտով կկայանա կարևոր, առանցքային հանրահավաքը։
«Շատ մեծ հանրահավաք՝ ձեր ուզած ու պատկերացրած քայլերը հասցնելու այն հանգրվանին, որտեղ պետք է հասնեն»,- ասաց Բագրատ Սրբազանը։
