ԵՊՀ-ի քաղաքագիտության ամբիոնից արդեն 4 դասախոսի աշխատանքից ազատել են։ Ազատվողներից երկուսը՝ ընդդիմադիր հայացքներ ունեցող Մենուա Սողոմոնյանն ու Աբրահամ Գասպարյանը, օրերս են իմացել, որ այլևս ԵՊՀ դասախոս չեն։
Բուհերից դասախոսների են հանում՝ պատճառաբանելով, թե առարկաներ են դուրս մնացել կրթական ծրագրից։ Ինչպե՞ս է լինում, որ 15-20 տարի նույն առարկան դասավանդվում էր, ուսանողներն էլ մեծ հետաքրքրություն էին դրսևորում դրա նկատմամբ, բայց հանկարծ որոշվում է, որ այն պետք չէ տվյալ բուհին։ Այդ երևույթը մեծ մասամբ տեղի է ունենում ԵՊՀ-ում և Բրյուսովի անվան պետական համալսարանում։
Այդպես այս տարի Ժուռնալիսիտիկայի ֆակուլտետից հանվել է Աստղիկ Ավետիսյանի ղեկավարած PR և հաղորդակցության տեխնոլոգիաների մագիստրական ծրագիրը, քաղաքագիտության դոկտոր, պրոֆեսոր Խաչիկ Գալստյանի դասաժամերն են կրճատվել։ Շաբաթական 12 ժամի փոխարեն նա այս ուսումնական տարում ունի ընդամենը 2 ժամ։
Աստղիկ Ավետիսյանին, Խաչիկ Գալստյանին, Մենուա Սողոմոնյանին, Աբրահամ Գասպարյանին, Նաիրի Հոխիկյանին կարելի է տեսնել հակաիշխանական ցույցերի ժամանակ, թեև նրանք լսարանում քաղաքական որևէ դիրքորոշում ցույց չեն տալիս, քաղաքական քարոզչություն չեն իրականացնում։
Քաղաքական պատվեր, քաղաքական հետապնդում և հաշվեհարդար. այլ անուն այս իրողությանը տալ չես կարող։
Մանրամասները՝ տեսանյութում։
