Արցախյան պատերազմների մասնակից ազատամարտիկները, նաև 44-օրյա պատերազմի մասնակիցներն այսօր բողոքի ակցիա են իրականացրել։ Նրանք հայտարարել են՝ մեր նպատակն այն է, որ Կոռնիձորում գտնվող բեռնատարները մտնեն Արցախ ու հումանիտար օգնությունը հասցնեն սովամահ լինող արցախցիներին։ Ոչ ոք մեզ չի օգնելու, եթե ինքներս մեզ չօգնենք։
«Կռվող տղաների ոգին բարձր է, ոչ ոք չի կոտրվել, մենք պատրաստ ենք նորից պայքարելու մեր Հայրենիքի համար»,- ասել են նրանք։
Տղաները հայտարարել են՝ Բերձորի միջանցքը պետք է բացվի, եթե ոչ, իրենք են գնալու և իրենց ուժերով բացեն։
Ազատամարտիկները վստահ են, որ թշնամին Արցախով չի բավարարվելու․ հաջորդը Սյունիքն է լինելու և այդպես շարունակ։
Ազատամարտիկները սպասում են մեքենաների՝ Կոռնիձոր մեկնելու համար։
«Մենք միանգամից շարժվում ենք Կոռնիձոր»,- լրագրողների հետ զրույցում ասել է «Խաչակիրների» հրամանատար Սարգիս Պողոսյանը։
