Եվրոպական խորհրդարանը 453 կողմ, 31 դեմ, 89 ձեռնպահ ձայներով հոկտեմբերի 24-ին հաստատեց բանաձեւը, որով դատապարտում է Ադրբեջանի բռնաճնշումներն ընդդիմության, լրագրողների, ակտիվիստների դեմ, կոչ անում անհապաղ ազատել բոլոր քաղբանտարկյալներին: «Ադրբեջանը պետք է պատրաստակամ լինի ներգրավվելու ՀՀ-ի հետ խաղաղության համաձայնագրի բանակցություններում, հարգելու ԼՂ հայերի իրավունքները»: ԵԽ-ն վերահաստատում է՝ «ադրբեջանական զորքը պետք է դուրս գա ՀՀ ինքնիշխան տարածքից», կոչ անելով Ադրբեջանին հարգելու ՀՀ տարածքային ամբողջականությունը: Երեկ նույն ժամերին Ադրբեջանի նախագահը, տարբեր պաշտոնյաներ ի պատասխան հիշյալ բանաձեւի, x-ի հարթակում տեղադրում էին Կազանում Փաշինյան- Ալիեւ հանդիպման տեսագրությունը՝ Եվրախորհրդարանին մեղադրելով, թե Ադրբեջանի դեմ «միլիարդերորդ» բանաձեւն է կայացնում:
ԱՆԱՀԻՏ ՀՈՎՍԵՓՅԱՆ
