«Մենք քիչ առաջ շատ լավ հանդիպում ունեցանք Հայաստանի վարչապետ Նիկոլ Փաշինյանի եւ Ադրբեջանի նախագահ Իլհամ Ալիեւի, Ֆրանսիայի նախագահ Էմանուել Մակրոնի եւ Գերմանիայի կանցլեր Օլաֆ Շոլցի հետ։ Հնարավորություն ունեցանք անդրադառնալու բոլոր թեմաներին, որոնք քննարկվել էին Բրյուսելում։
Քննարկեցինք իրավունքների եւ անվտանգության հարցերը, սահմանազատումը, խաղաղության պայմանագիրը։ Այս հանդիպումը շատ լավ նախապատրաստություն էր հաջորդ հանդիպման համար, որը տեղի կունենա Բրյուսելում, հուլիսի 21-ին։ Դա նշանակում է, որ մենք ջանքեր ենք գործադրում եւ մտադիր ենք աջակցելու հարաբերությունների կարգավորմանը։ Ես նաեւ հայտարարել եմ, որ մտադիր եմ նախագահ Ալիեւին եւ վարչապետ Փաշինյանին, կանցլեր Շոլցին եւ նախագահ Մակրոնին կրկին հրավիրել Եվրոպական քաղաքական համայնքի հաջորդ գագաթնաժողովին, որը տեղի կունենա Իսպանիայում։ Դա նշանակում է, որ մենք Եվրամիությունից պահանջվող ամեն բան կանենք, որ օգնենք, որպեսզի հնարավոր առաջընթաց ապահովենք հարաբերությունների կարգավորման ուղղությամբ»,- Քիշնևում լրագրողների հետ ճեպազրույցում ասել է է Եվրոպական խորհրդի նախագահ Շառլ Միշելը։
Ինչպես հայտնի է, Քիշնևում տեղի է ունեցել Հայաստանի վարչապետ Նիկոլ Փաշինյանի, Ֆրանսիայի նախագահ Էմանուել Մակրոնի, Գերմանիայի կանցլեր Օլաֆ Շոլցի, Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի հնգակողմ հանդիպումը:
