Հայաստանի համար Եվրոպական միությանն անդամակցելու հեռանկար ուղղակի չկա։ Այն զրոյական է. ասուլիրսի ժամանակ ասաց ՀՀ երկրորդ նախագահ Ռոբերտ Քոչարյանը։
Ըստ Քոչարյանի` ակնհայտ է, որ այսօր ԵՄ–ն լուրջ ճգնաժամի մեջ է, և դա ունի մի քանի կոմպոնենտ` առաջնորդության, իմաստային և տնտեսական։ Միևնույն ժամանակ կարծում է, որ ԵՄ–ն չի փլուզվելու, բայց ստիպված է լինելու բավականին լուրջ բարեփոխումների ենթարկել ինքն իրեն ու առաջին հերթին սառեցնելու է իրեն միանալու բոլոր գործընթացները։
Քոչարյանը վստահ է` ՀՀ իշխանությունները սկսել են մի գործընթաց ու ցանկանում են գնալ մի տեղ, որտեղ իրենց ընդհանրապես չեն սպասում։
Հայաստանն, ինչպես հայտնի է, պաշտոնական մակարդակով սկսել է ԵՄ-ին անդամակցելու գործընթացի մեկնարկի օրենսդրական նախաձեռնություն։
«ԵՄ–ի ընկալումը Հայաստանում չափազանց դրական է, մի «բոմբոներկա է»՝ սիրուն փաթեթավորած։ Ենթադրում եմ, որ նաև ընտրությունների հետ է կապված, ու ամենամեծ դրոշն է լինելու իշխանության հասնելու համար։ Ուղղակի այդ դրոշը որևէ տեղ չի տանում»,– նշեց ՀՀ երկրորդ նախագահը։
Նրա պնդմամբ` Հայաստանի համար հետևանքներն անկասկած շատ ծանր են լինելու, քանի որ երկու աթոռի վրա միաժամանակ չես կարող նստել. դրանք իրարից շատ հեռու են։
Կամ էլ, շատ կներեք, պիտի 3 մետրանոց քամակ ունենաս, որ նստես, բայց էդ էլ չունես. արձանագրեց Քոչարյանը։
Չեմ ուզում, որ այս մամուլի ասուլիսը դիտվի որպես հռչակագիր ընտրություններին մասնակցելու մասով։
Ի՞նչ կանեմ ես Հայաստանն այս վիճակից հանելու համար։ Անցած մամուլի ասուլիսին շարադրել եմ, թե ինչ կարելի է անել։ Մեկ ամիս անց ՀՀ իշխանությունը արեց իմ ասածի ճիշտ հակառակը։ Ինչ ասեմ, դրա հակառակն է սա անելու։ Ասացի՝ չի կարելի Ղարաբաղը ճանաչել Ադրբեջանի կազմում։ Գնաց ու Ղարաբաղը ճանաչեց Ադրբեջանի կազմում։
«Պետք է բանակը հզորացնել։
Բարեփոխման անվան տակ ինչ արվում է, կապ չունի բարեփոխումների հետ։
Բանակաշինություն և ուժեղ տնտեսություն. սրանք շատ կարևոր են։ Վախենալով եմ սա ասում, որովհետև իմ ասածի ճիշտ հակառան են անելու։ Հիմա պիտի ուրիշ բան ասեմ, որ դրա հակառակն անեն»,- հումորով արձանագրեց Քոչարյանը։
