«Հայաստանի ղեկավարն ասում է՝ էս սարի համար չեմ կռվելու, 9 ամիս ձյուն է։ Եթե դու չես կռվելու, մտածում ես՝ մեկ ուրիշը գալու է կռվի՞։ Ռուսաստանի տարածքի մի հսկա մասը տարին 12 ամիս ձյուն է, Ռուսաստանը չպիտի՞ կռվի այդ տարածքների համար։ Եթե քո տարածքի համար դու չես կռվելու, ուրիշը կգա կկռվի՞։
Եթե Շտաբի պետը «հանճարեղ» միտք է ասում՝ ադրբեջանցիները կսովածանան, կգնան մեր տարածքից։ Դա ասում է Շտաբի պետը։
Պատերազմում հնարավոր է պարտվել, բայց Հայաստանն արդեն պարտված չէ, նա չոքած է»,-այսօրվա ասուլիսին ասաց ՀՀ Երկրորդ նախագահ Ռոբերտ Քոչարյանը։
Մեղրիի թեման հիմա տաքացել է, որովհետեւ հիմա կա միջանցքի հարց կամ ճանապարհի հարց, և այսօր ՀՀ իշխանությունը ցանկություն ունի անել այդ զիջումը և հետո հայտարարել՝ ես ի՞նչ կապ ունեմ. եթե այն ժամանակ սա քննարկված չլիներ, այս թեման ընդհանրապես գոյություն չէր ունենա. նշեց Քոչարյանը:
«Արխիվից հանել են 25 տարվա վաղեմության քննարկումները: Թող գաղտնազերծեին Քի Վեսթի փաստաթուղթը, որը երբեք գաղտնի գրիֆ չի էլ ունեցել:
Լեւոն Տեր-Պետրոսյանի ժամանակվա երկու առաջարկները հրապարակված են, «Ընդհանուր պետության» առաջարկը հրապարակված է, Մադրիդյան սկզբունքները հրապարակված են, Կազանյան փաստաթուղթը, որքան գիտեմ՝ հրապարակված է: Երկու փաստաթուղթ չի հրապարակված՝ 2019-ի առաջարկը, որը այս իշխանությունը թաքցրել է ժողովրդից, որը եղել է ընդունելի, և հրապարակված չէ Քիվեսթի առաջարկը: Թող հրապարակեն: Ասում են՝ թող ինքը հրապարակի: Ես փաստաթղթերը չամադանով տուն չեմ տարել, համարել եմ, որ պետություն կա:
Հիմա ասում են՝ փաստաթղթերից մեկը կոնդիցիոներից ենք հանում, մեկը խալադելնիկից: Գիտե՞ք՝ ինչու, որովհետեւ 7 տարում ԱԳ 3 նախարար են փոխել, դրա համար մեկը կարող է խալադելնիկում հայտնվել, մեկը մեկ ուրիշ տեղ: Իմ ժամանակ մեկ ԱԳ նախարար է եղել 10 տարի, ինձնից հետո եւս 10 տարի Էդվարդ Նալբանդյանն է եղել: Հիմա եթե 6 նախարար փոխվեր, կարող է մի ծերն էլ էս կամեռաներից մեկում հայտնվեր, մեկի տրուսիկում, կոպիտ ասած»,- հայտարարեց Քոչարյանը:
