Անցած հանգստյան օրերին Մյունխենի անվտանգության համաժողովի ժամանակ Միացյալ Նահանգների ուղերձն իր դաշնակիցներին ցնցում էր եվրոպացիների համար եւ հանգեցրել է «տրանսատլանտյան դաշինքի կլինիկական մահվան»: Այս մասին նշել է Bloomberg-ի սյունակագիր Մարկ Չեմպիոնը։
Նրա կարծիքով՝ ԱՄն փոխնախագահ Ջեյ Դի Վենսի ելույթը լի էր արհամարհանքով սրահում ներկաների հանդեպ եւ պարունակում էր մի քանի ուղերձներ, որոնք, հավանաբար, կփոխեն Եվրոպայի անվտանգության հեռանկարները։
Ինչպես գրել է սյունակագիրը, Եվրոպան, Վենսի կարծիքով, չափազանց թույլ է սեղանի շուրջ նստելու համար «մեծ տերությունների հետ, որոնք կառաջնորդեն նրանց, մասնավորապես՝ ԱՄՆը, Ռուսաստանը եւ գուցե Չինաստանը»։ Իր հերթին, Եվրահանձնաժողովի նախագահ Ուրսուլա ֆոն դեր Լյայենի կողմից եվրոպական պաշտպանությունն ուժեղացնելու առաջարկները, որը «խիզախ դեմք էր ընդունել Վենսի հետ իր ելույթի ժամանակ, կենսական են, բայց մեկ տասնամյակ ուշացած»:
Անցած շաբաթը եվրոպացիների համար պարզապես արթնացման կոչ չէր, այլ նրանց ամենավատ վախերի իրականություն, նշել է Չեմպիոնը: «Առաջնորդներն ու պաշտպանության ոլորտի պաշտոնյաներն այժմ գիտեն, որ իրենք միայնակ են, որ չեն կարող հույս դնել Միացյալ Նահանգների վրա, թե կկատարվի հավաքական պաշտպանության վերաբերյալ ՆԱՏՕ 5-րդ հոդվածը, եւ որ Թրամփը չի ցանկանում իրենց ներառել Ուկրաինայի վերաբերյալ գործարքում», նշվել է նյութում։
Բացի այդ, բոլորը, ովքեր ներկա են եղել Վենսի ելույթին, ներառյալ Վլադիմիր Զելենսկին, գիտեն, որ «Եվրոպան ցավալիորեն վատ է պատրաստված՝ ստանձնելու համար Կիեւի բոլոր ծախսերը, ներառյալ անվտանգության երաշխիքները»:
«Եվրոպան նախկինի պես ԱՄՆ կարիքն ունի եւ գիտի դա», բայց Միացյալ Նահանգները, Դոնալդ Թրամփի գլխավորությամբ, «այլեւս չի տեսնում Եվրոպայի անհրաժեշտությունը», գրել է Bloomberg-ի սյունակագիրը։
