Ռուսաստանն ու Հայաստանը մշտական կապի մեջ են Լեռնային Ղարաբաղի շուրջ անվտանգության ապահովման հարցում:Մենք մշտական կապի մեջ ենք Ձեզ հետ, պարբերաբար հանդիպումներ ենք ունենում եւ հեռախոսով զրուցում արդիական հարցերի շուրջ: Բայց, այնուամենայնիվ, այսօրվա ա հանդիպման ժամանակ կարեւոր եմ համարում հիշել, որ այս տարի մենք նշեցինք դիվանագիտական հարաբերությունների 30-ամյակը եւ հիմնարար պայմանագրի ստորագրման 25-ամյակը. հայտարարել է ՌԴ նախագահ Վլադիմիր Պուտինը ՀՀ վարչապետ Նիկոլ Փաշինյանի հետ՝ Վլադիվոստոկում ընթացող Արևելյան տնտեսական ֆորումի շրջանակում տեղի ունեցած հանդիպմանը:
Ռուսաստանի և Հայաստանի միջև առեւտրաշրջանառությունն աճում է․ վերջին շրջանում այն աճել է 25-30 տոկոսով. հավելել է Ռուսաստանի նախագահը։
Հայաստանի վարչապետն էլ իր խոսքում շեշտել է, որ 2022 թվականը կարևոր էր ինչպես ՀԱՊԿ – ի, այնպես էլ Ռուսաստանի հետ երկկողմ հարաբերությունների համատեքստում: Նա նաև խոսել է Լեռնային Ղարաբաղում ռուսական խաղաղապահ առաքելության դերի մասին:
«Պետք է ընդունել՝ դա բարդ առաքելություն է: Հայաստանը բարձր է գնահատում խաղաղապահների գործունեությունը»,- նշել է Փաշինյանը:
