Գերմանաֆրանսիական arte հեռուստաընկերությունը նոր՝ 2023-ի արտադրության ֆիլմ է ներկայացրել 2021-ի հուլիսից աշխարհում լրատվական ցնցում առաջացրած իսրայելական «Պեգասուս» լրտեսական ծրագրի մասին, որ, ինչպես հայտնի դարձավ, վարակել էր նաեւ հայ հանրային գործիչներից մի քանիսի հեռախոսները:
«Վաճառում ենք մեր ծրագիրը միայն այն պետություններին, որ պայքարում են ահաբեկչության եւ քրեական հանցագործության դեմ», հաղորդել էր «Պեգասուս» ծրագրի ընկերության ներկայացուցիչը՝ հաղորդելով, թե այն գնել են Ադրբեջանը, Մեքսիկան, Սաուդյան Արաբիան, Բահրեյնը, Մարոկկոն, Հունգարիան: Սակայն վավերագրությունը նկարագրում է, թե ավելի քան 65 երկրի լրագրողների, փաստաբանների, մարդու իրավունքների պաշտպանների, երկրի ղեկավարների ու նրանց հակառակորդների սմարթֆոններում աննկատ «հայտնվելով» ինչպես է գործել ծրագիրը, բարձրախոսի միջոցով օգտատիրոջը լսել, նույնիսկ՝ հետեւելով դիտել:
ԱՆԱՀԻՏ ՀՈՎՍԵՓՅԱՆ
Գերմանիա
