Եթե Հայաստանը մինչև 2025 թվականի վերջը չվճարի ՀԱՊԿ բյուջեում իր ներդրումը, ապա կազմակերպության անդամ երկրները «կարող են դիտարկել տարբեր սցենարներ», բայց հավանաբար ոչ մեկին չեն վտարի. «Ռիա Նովոստի»-ին ասել է ՌԴ փոխարտգործնախարար Ալեքսանդր Պանկինը։
«Մինչև 2026 թ. հունվարի 1-ը կարող է ստեղծվել իրավիճակ, որ երկու տարի չվճարելու դեպքում երկրները կարող են դիտարկել տարբեր սցենարներ», – ասել է Պանկինը :
Միևնույն ժամանակ, ըստ նրա, «հավանաբար ոչ մեկին չեն վռնդի ՀԱՊԿ-ից»։
Նա նշել է, որ արդեն եղել են դեպքեր, երբ այլ երկրներ տեխնիկական, ֆինանսական և այլ պատճառներով պարտքեր են ունեցել։
2024 թվականի փետրվարին Հայաստանի վարչապետ Նիկոլ Փաշինյանը հայտարարեց, որ հանրապետությունը սառեցրել է իր մասնակցությունը ՀԱՊԿ- ին ։ Փաշինյանը նաև հայտարարեց, որ Հայաստանի վերադարձը ՀԱՊԿ գնալով դժվարանում է, եթե ոչ անհնարին է դառնում, նրա խոսքերով՝ «անվերադարձի կետն» անցել է։
ՌԴ ԱԳՆ ղեկավարի տեղակալ Միխայիլ Գալուզինը հայտարարել է, որ արևմուտքը դրդել է Հայաստանի իշխանություններին սառեցնել իրենց մասնակցությունը ՀԱՊԿ-ին։ Ինչպես նշել է ՌԴ ԱԳ նախարար Սերգեյ Լավրովը , Փաշինյանի խոսքերն այն մասին, թե իբր ՀԱՊԿ-ը «դժվարության մեջ լքել է Հայաստանին», չեն համապատասխանում իրականությանը։
