ԱՄՆ այսօրվա վարչակազմը շահագրգռված չէ Ռուսաստանի հետ քաղաքական երկխոսությամբ. Լավրով
ԱՄՆ ներկայիս վարչակազմը շահագրգռված չէ Ռուսաստանի հետ որևէ քաղաքական երկխոսությամբ. CBS հեռուստաալիքին տված հարցազրույցում ասել է ՌԴ ԱԳ նախարար Սերգեյ Լավրովը։
Ներկայիս վարչակազմը շահագրգռված չէ քաղաքական երկխոսությամբ. ասել է նախարարը՝ ընդգծելով, որ ժամանակ առ ժամանակ բացառություն են կազմում Վաշինգտոնում և Մոսկվայում երկրների դեսպանատների շփումները, բայց ոչ երբեք քաղաքական հարցերով։
«Մենք պատրաստ կլինենք լսել բոլորին, ովքեր իսկապես հետաքրքրված են արդարադատությամբ, այդ թվում՝ Ռուսաստանի և Ուկրաինայի հարաբերություններում, որը միտված կլինի, իհարկե, դադարեցնել Ուկրաինան որպես Ռուսաստանի դեմ պատերազմի գործիք օգտագործելու՝ արևմտյան քաղաքականությունը»։ ասաց նախարարը։
Լավրովը հիշեցրել է ՌԴ նախագահ Վլադիմիր Պուտինի խոսքերը՝ ճիշտ չէ, երբ ինչ-որ մեկը պնդում է, որ Ռուսաստանը դեմ է բանակցություններին։
Այն քննարկումները, որոնք կերաշխավորեն Ռուսաստանի և Ուկրաինայի ժողովուրդների օրինական ազգային շահերի պաշտպանությունը, մենք պատրաստ կլինենք լսել»,- ընդգծել է նախարարը։
