Երասխի մետաղաձուլարանի ուղղությամբ ադրբեջանցիների շարունակական կրակոցների երկու հնրավոր բացատրություն կա՝ կա՛մ նրանք համարում են, որ այդ գործարանը ուղղակի սպառնալիք է Ադրբեջանի համար՝ հաշվի առնելով գործարանի ապագա արտադրանքը և կամենում են կանխել գործարանի կառուցումը, կա՛մ կա երկրորդ տարբերակ, որն առավել հավանական է։ Azg.am-ի թղթակցի հետ զրույցում նամն տեսակետ հայտնեց քաղաքագետ Ալեքսանդր Քանանյանը։
«Բայց ինձ ավելի հավանական է թվում երկրորդ տարբերակը, որ սահմանամերձ Երասխում նման կարևոր արտադրական ձեռնարկության կառուցումն ադրբեջանցիները մեկնաբանում են որպես իրենց թույլ տալ-չտալու հարց։ Չէ՞ որ հայկական լրատվամիջոցներում պարբերաբար հիշատակվում է մետաղաձուլական գործարանի՝ հայ-ամերիկյան համատեղ գործունեությունը։
եվ թերևս ադրբեջանցիները ցանկանում են ցույց տալ, որ լիովին անտարբեր են ամերիկյան մասնակցության նկատմամբ կամ Հայաստանում ամերիկյան մասնակցությունը ոչինչ չի կարող երաշխավորել»,- ասաց քաղաքագետը։
Ալեքսանդր Քանանյանի խոսքով՝ այս ողջ պատմության մեջ ամենակարևորև կետը, թերևս, այն է, որ ադրբեջանցիները հստակ նպատակ ունեն ռազմակալելու Վայոց ձոր և Սյունիք գնացող ճանապարհի բազմաթիվ հատվածներ։
«Նրանք նպատակ ունեն ռազմնակալելու ոչ միայն Տիգրանաշենը՝ որպես Նախիջևանի պատկանած վարչական տարածք, այլև ամբողջ ճանապարհը՝ ներառյալ Երասխ բնակավայրը։ Հետևաբար իրենք կարծում են, որ նման ձեռնարկության կառուցումը հետագայում կբարդացնի Երասխի՝ որպես բնակավայրի ռազմակալումը, և և փորձում են նմանօրիանկ գործողություններով խոչընդոտել գործարանի կառուցմանը»,- ասաղ քաղաքագետը։
Հիշեցնենք որGTB Steel» հոլդինգը տեսանյութ է հրապարակել, որում երևում է, թե ինչպես են ադրբեջանցիները նորից կրակում Երասխի մետաղի ձուլարանի աշխատողների ուղղությամբ։
«Այսօր՝ հուլիսի 10-ին, ժամը 12:25-ին Ադրբեջանը կրկին կրակ է բացել Երասխում կառուցվող մետաղի ձուլարանի բանվորների ուղղությամբ: Բարեբախտաբար զոհեր և վիրավորներ չունենք», – նշել են հոլդինգից։
