Փետրվարի 17-19-ը Մյունխենում կանցկացվի անվտանգության 59-րդ համաժողովը։
Միջոցառումները նվիրված են լինելու արտաքին և անվտանգության քաղաքականության մարտահրավերներին։ Կքննարկվեն ուկրաինական հակամարտության հետ կապված հարցեր. «ինչպիսի՞ն է աշխարհը Ռուսաստանի կողմից հատուկ գործողություն սկսելուց մեկ տարի անց, արդյո՞ք հակամարտությունը խոսում է տալիս ավելի դաժան աշխարհի մասին, որտեղ տիրում է անպատժելիությունը, և կարո՞ղ է դա խթան հանդիսանալ գլոբալ պարտավորության համար»,- ասվում է համաժողովի կայքում։
Համաժողովին իրենց մասնակցությունը հաստատած հյուրերի թվում են ԱՄՆ փոխնախագահ Կամալա Հարիսը, Գերմանիայի կանցլեր Օլաֆ Շոլցը, Ֆրանսիայի նախագահ Էմանուել Մակրոնը, Լեհաստանի նախագահ Անջեյ Դուդան և Չինաստանի արտաքին գործերի նախարար Ցին Գանգը: Մյունխենի անվտանգության համաժողովին սպասվում է մոտ 600-700 մասնակից:
Համաժողովին մասնակցելու հայտը հաստատել են նաեւ Վրաստանի վարչապետ Իրակլի Ղարիբաշվիլին եւ Ադրբեջանի նախագահ Իլհամ Ալիեւը։ Ռուսաստանի ներկայացուցիչները չեն մասնակցի համաժողովին։
ՀՀ վարչապետի աշխատակազմի տեղեկատվության և հասարակայնության հետ կապերի վարչության պետ Արմեն Խաչատրյանը հայտնել է, որ Նիկոլ Փաշինյանը նույնպես կմասնակցի Մյունխենում անցկացվելիք անվտանգության 59-րդ համաժողովին։
