Ռուսաստանը վաճառեց Մահդիևին՝ հույս ունենալով ստանալ օգուտ. կարծում է քաղաքացետ Արա Պաղոսյանը։
Նրա դիտարկումները՝ ստորև.
Ըստ caliber_az-ի տեղեկությունների՝ Ադրբեջանի Ազգային անվտանգության խորհրդի անդամ, նախագահի վարչակազմի նախկին ղեկավար Ռամիզ Մեհդիևը պատրաստել է պետական հեղաշրջման պլան և այն ներկայացրել է ռուսական կողմին։
Նշվում է, որ Մեհդիևը փորձել է օգտվել Ադրբեջանի և Ռուսաստանի հարաբերություններում առաջացած լարվածությունից։
Երկկողմ հարաբերությունների սրացումը լայն քննարկումների և քննադատության թեմա դարձավ երկու երկրների հասարակական ու մեդիա միջավայրում։ ԱՊԱ-ի տվյալներով՝ Ռամիզ Մեհթիևը օգտվել է այդ իրավիճակից և իր հին կապերի միջոցով Մոսկվային տեղեկացրել, որ պետական հեղաշրջման ծրագիրը պատրաստ է, և ակնկալում է ռուսական կողմի աջակցությունը։
Ի՞նչ էր նախատեսված Մեհդիևի պլանով
Մեհդիևը իր ծրագրով պետական իշխանության բռնի զավթումից հետո առաջարկել էր ստեղծել ժամանակավոր կառավարման մարմին՝ «Ժամանակավոր պետական խորհրդի» ձևաչափով, որը կղեկավարեր անցումային շրջանը։ Համաձայն այդ պլանի՝ 87-ամյա Ռամիզ Մեհդիևը պետք է անձամբ գլխավորեր այդ խորհուրդը։ Նա նաև Ռուսաստանին ներկայացրել էր այն անձանց ցուցակը, որոնք պետք է մտնեին խորհրդի կազմի մեջ։
Ինչպե՞ս բացահայտվեց Մեհդիևի ծրագիրը
ԱՊԱ գործակալության վստահելի աղբյուրը տեղեկացրել է, որ հենց ռուսական կողմն է Բաքվին տեղեկացրել Ռամիզ Մեհտիևի առաջարկի և նրա ցանցի ծրագրի մասին՝ Ադրբեջանի և Ռուսաստանի նախագահների հանդիպման ժամանակ, որը կայացել է Դուշանբեում։
Հ.Գ.
Այս քայլով ռուսական կողմը վերջնականապես իրեն դատապարտեց միայն ֆորմալ հարաբերությունների, իսկ այլ երկրների ոչ պաշտոնական շրջանակների հետ այլևս գաղտնի հարաբերություններ ռուսական կողմը ամենայն հավանականությամբ չի կարողանա ստեղծել, քանի որ սա վերջին հարվածն է ռուսական կողմի վստահելիության իմիջին։
