Եթե մի պետություն՝ Ադրբեջանը, ծարավ է մեր արյան, ո՞նց կարող ենք հանդուրժել այս ամենը, այսօր Եռաբլուրում լրագրողների հետ զրույցում ասաց զոհված զինվորի հայր Գևորգ Հարությունյանը։
«Թշնամանքի հաղթահարումը չպետք է լինի միակողմանի։ Եթե խոնարհվենք իրենց դեմ՝ որպես ստրուկ, չունենանք արժանապատվություն, թշնամին միշտ սուրը կխաղացնի մեր վրա, կուզենա մեր վիզը կտրի։ Մենք ո՞նց կարող ենք խաղաղություն, բարեկամություն անել։ Դա մենակ կարող է անել ՀՀ իշխանությունը։ Իրենք միանշանակ թուրքամետ են, իրենք կարող են։ Ժողովուրդը չի կարող։
Բնականաբար, մենք թույլ չենք տա, որ ադրբեջանցիները կամ թուրքերը գան, այստեղ բնակվեն՝ մանավանդ շփվենք, առևտուր անենք։ Չկա նման բան, դա բացառված է։ Մեր ղեկավարությունը հանձնեց Արցախը, նաև Հայաստանից որոշ տարածքներ՝ մեզ թողնելով մի փոքր հողակտոր։
Թուրքը պարծենում է, թե հաղթանակ է տարել։ Դա հաղթանակ չէր։ Պատերազմ է եղել, կոնկրետ իմ տղան կամավոր գնացել է ազնիվ գործի՝ իր հայրենիքն ու տունը պաշտպանելու համար, բայց պարզվեց, որ մեր ղեկավարությունը մեր տղաներին թիկունքից խփեց, դավաճանեց։
Մեր տղաները կռվում էին, իսկ իրենք Շուշին, Արցախը սկուտեղով մատուցեցին թշնամուն։ Դավաճանը մնում է դավաճան։ Նրան օգտագործում են, իսկ հետո վերացնում։ Մեր ղեկավարությունը հիմա այդ կարգավիճակի մեջ է։ Հայ ազգին կոչ եմ անում ոտքի կանգնել՝ վայրկայն առաջ ազատվելու Նիկոլի կլանից։ Իրենք պետական այրեր չեն, իրենց թիմով կործանում են մեր հայրենիքը։ Պետք է սրանցից ազատվենք, օձի գլուխը պետք է կտրվի»,-ասաց որդեկորույս հայրը։
