Փաշինյանի անվտանգությունը պետք է ապահովեն թուրք հատուկջոկատայինները. թուրքական Sozcu TV-ի եթերում ասել է հայտնի թուրք գործիչ, Independent Turkce կայքի գլխավոր խմբագիր Նեւզեթ Չիչեքը։
Նա հիշեցրել է, որ Հայաստանի վարչապետ Նիկոլ Փաշինյանը կոչ է արել հայ հասարակությանը հրաժարվել մեծ, Պատմական Հայաստանի երազանքից և ընդունել ներկայիս Հայաստանը՝ իր սահմաններով։
Չիչեքը նաև հիշեցրել է Հայաստանի կառավարության ղեկավարի ուղղաթիռի հետ կապված վերջին միջադեպը։ Նա ընդգծել է, որ այս դեպքը մտահոգություն է առաջացրել Թուրքիայում: Թուրք գործիչն ասել է` գուցե իմ խոսքերը շատերին զայրացնեն, բայց, այո, Փաշինյանի անվտանգության մասին պետք է լրջորեն մտածել, այն պետք է ապահովեն թուրք հատուկջոկատայինները։
