Երևանի ծառերի սպանդի հերթական սերիան սկսված է․
Հիշեցնենք, որ մայրաքաղաքում զանգվածային ջարդը սկսվել էր անցյալ տարի, երբ տարբեր հատվածներում բնից կտրվում էին կենսունակ, սաղարթախիտ և իրենց տեսակով Երևանի համար նախատեսված ծառեր։
Այսօր էլ Երևանի քաղաքեպատարանը հատել է Թումանյան փողոցի բոլոր ծառերը։ Սա կոչվում է ՍՊԱՆԴ՝ չենթարկվելով պատասխանատվության։
Սա կոչվում է ամենաթողություն ու թքած ունենալ բոլորի, այդ թվում՝ մասնագետների կարծիքի վրա։ Իսկ մասնագետներն ասում են՝ ՉԻ ԿԱՐԵԼԻ փոշու մեջ կորած Երևանի փոքր կենտրոնը զրկել ծառերից, Երևանը զրկել իր պատմությունից, կոլորիտից։ Եթե ծառը հիվանդ է, պետք է բուժել։ Բայց անտրամաբանական է, չէ՞, որ բոլոր ծառերը հիվանդ լինեին։
Երևանի ավագանու «Ազգային առաջընթաց» խմբակցության ներկայացուցիչներն արձանագրել են, թե ինչպես են Երևանում անարգել հատվում առողջ և կենսունակ ծառերը՝ ինչ է թե դրանց փոխարեն նոր շիվեր են դրվելու, հավանաբար էլի Ավինյանի սիրելի սակուրաները։ Մասնագետները բազում անգամ են բողոքել, հիմնավորել, որ քանի դեռ նոր ծառերը չեն տնկվել կամ դրանք սաղարթ չեն տվել (չնայած սակուրան ի՞նչ սաղարթ պիտի տա), չի կարելի «հին», «նախկինների դրած» ծառերը հատել-ոչնչացրել։
Երևանը խեղդվում է փոշուց ու թունավոր նյութերից։ Սա ուղղակի հանցագործություն է Երևանի ու մեկ միլիոնից ավելի բնակիչների նկատմամբ։ Սակայն Ավինյանը թքած ունի բոլորի կարծիքի վրա՝ կտրել է, կտրում է ու կտրելու է ծառերը։ Ո՞վ է նրա ձեռքը բռնելու. ոստիկաննե՞րը, թե ընդդիմությունը։
