Վրաստանում ԱՄՆ դեսպանատունը հայտարարություն է տարածել իշխող կուսակցության՝ «Օտարերկրյա ազդեցության թափանցիկության մասին» օրինագծի վերաբերյալ։
Հայտարարության մեջ ասվում է, որ խորհրդարանի կողմից երկրորդ ընթերցմամբ ընդունված «օտարերկրյան ազդեցության մասին» օրենքը ներշնչված է Կրեմլի կողմից։
Դեսպանատունը դատապարտել է օրինագիծը և կառավարության պաշտոնյաների կողմից հնչեցված «կեղծ պատմությունը»՝ ի պաշտպանություն օրենքի:
«Այս օրենքը և «Վրացական երազանքի» հակաարևմտյան հռետորաբանությունը Վրաստանին կանգնեցրել են վտանգավոր հետագծի վրա։ Վրաստանի կառավարության հայտարարություններն ու գործողությունները չեն համապատասխանում ԵՄ-ին և ՆԱՏՕ-ին անդամակցելու համար անհրաժեշտ ժողովրդավարական արժեքներին և, հետևաբար, խարխլում են»,- ասված է Վրաստանում ԱՄՆ դեսպանատան հայտարարության մեջ։
