Կնյազ Սարոյանի ֆեյսբուքյան էջից.
«Վարչապետի կարգավիճակով Նիկոլ Փաշինյանի մարզային այցերը վարչական ռեսուրսի չարաշահում է: Քանի որ
- երկիրը գտնվում է ֆորմալ նախընտրական շրջանում, իսկ Նիկոլ Փաշինյանն էլ հրաժարական չի ներկայացրել
- այդ այցերն ուղղված չեն կոնկրետ մեկ հարցի, կոնկրետ մեկ ծրագրի ու խնդրի քննարկմանը և ոչ էլ տեղի են ունենում աշխատանքային ռեժիմով
- այդ այցերի ընթացքում բացառապես արվում են քաղաքական հայտարարություններ, թիրախավորվում, պիտակավորվում են հավանական քաղաքական մրցակից ուժերն ու անձերը
- այդ այցերի ժամանակ Նիկոլ Փաշինյանին ուղեկցում են ոչ թե ոլորտային խնդիրների համար պատասխանատու պաշտոնյաները, այլ մեծապես ԱԺ պատգամավորներ, ովքեր, ըստ ամենայնի, նորից լինելու են ցուցակներում: Այսինքն` քաղաքական դեմքերը
- մարդիկ այդ հանդիպումներին գնում են կամ նրանց տանում են ոչ թե ընթացիկ հարցերն ու խնդիրները քննարկելու, այլ Նիկոլ Փաշինյանին քաղաքական աջակցություն ցույց տալու կամ դա ի ցույց դնելու համար»:
