Մեծ Բրիտանիայի վարչապետ Ռիշի Սունակը` ելույթ ունենալով Բաքվի 11-րդ գլոբալ ֆորումի պաշտոնական բացման արարողության ժամանակ, նշել է, որ Բաքուն նոյեմբերին կհյուրընկալի COP 29-ը, այնուհետ՝ շարունակել.
«Ես հավատում եմ, որ Ադրբեջանը արժանապատվորեն կհաղթահարի այս մարտահրավերը: Մենք պետք է նվազեցնենք համաշխարհային արտանետումները: Մեծ Բրիտանիան հավատարիմ է Փարիզի պարտավորություններին որպես նավթ և գազ արդյունահանող երկիր: Մենք պետք է հասնենք «հավակնոտ արդյունքների, որոնք կներգրավեն տրիլիոնավոր միջոցներ կլիմայի փոփոխության դեմ պայքարի համար: Մենք նաև ողջունում ենք Ադրբեջանի, ԱՄԷ-ի և Բրազիլիայի համատեղ գործունեությունը այս ոլորտում»,-ասել է նա:
Ռիշի Սունակը նշել է, որ Մեծ Բրիտանիան աջակցում է Կասպից ծովով նոր տրանսպորտային կապերին:
Սունակը նաև հավելել է, որ Ադրբեջանի և Մեծ Բրիտանիայի միջև հարաբերությունները զարգանում են. «Մենք շարունակում ենք աջակցել Ադրբեջանին COP29-ի հետ կապված: Մենք հավատում ենք, որ մինչև COP29-ը Ադրբեջանը և Հայաստանը կհասնեն խաղաղության»:
COP29-ը ՄԱԿ-ի Կլիմայի փոփոխության շրջանակային կոնվենցիայի համաժողովի 29-րդ նստաշրջանն է, որը այս տարի Ադրբեջանում տեղի կունենա: Այս որոշումն ընդունվել է անցյալ տարվա դեկտեմբերի 11-ին Դուբայում կայացած COP28 լիագումար նիստում։
Մեծ Բրիտանիայի վարչապետ Ռիշի Սունակը հույս է հայտնել, որ մինչև այս տարվա նոյեմբեր Հայաստանի և Ադրբեջանի միջև կստորագրվի խաղաղության պայմանագիր։
Նրա կարծիքով՝ Ադրբեջանի և Հայաստանի միջև հակամարտությանը վերջ դնելու պատմական հնարավորություն է ստեղծվել։
«Ներկայումս Հայաստանի հետ երկարամյա հակամարտությանը վերջ դնելու պատմական հնարավորություն կա։ Կարևոր իրադարձություն կլիներ՝ հասնել դրան մինչև COP 29-ը (ՄԱԿ-ի Կլիմայի փոփոխության կոնֆերանս)»,- նշվում է Սունակի նամակում։
2024 թվականի նոյեմբերին Բաքվում տեղի կունենա Միավորված ազգերի կազմակերպության կլիմայի փոփոխության մասին կոնֆերանսը։
