Ռուսաստանի դեմ Ուկրաինական հարձակմանը նախապատրաստվելու վերաբերյալ Պենտագոնի և ՆԱՏՕ-ի գաղտնի փաստաթղթերի լուսանկարները հայտնվում են Twitter-ում և Telegram-ում, դրանք մասամբ փոփոխված են, բայց մասամբ օրիգինալ տեսք ունեն. գրում է New York Times-ը՝ հղում անելով Բայդենի վարչակազմի անանուն աղբյուրներին։
Փաստաթղթերը թվագրված են մարտի 1-ով, ուստի պլանները կարող էին փոխվել այդ ժամանակվանից: Նրանք չեն նշում առաջիկա հարձակման ամսաթիվն ու վայրը։ Բայց դրանք պարունակում են տեղեկություններ այն մասին, թե քանի բրիգադ է նախատեսվում նախապատրաստել Ուկրաինայի հարձակմանը և որքան տեխնիկա կստանա այդ երկիրը: Նրանք նաև տեղեկություններ ունեն, ինչպիսին է HIMARS զինամթերքի ամենօրյա սպառումը:
Որ փաստաթղթերը կարող էին փոխվել, վկայում է այն, որ սլայդներից մեկում ռուսների մարդկային կորուստները գնահատվում են 16-17 հազար, իսկ ուկրաինականներինը՝ 71,5 հազար. գրում է թերթը։
Ամերիկյան գործակալությունները փորձել են սոցցանցերից հանել այդ փաստաթղթերը, սակայն մինչ օրս դա չի հաջողվել:
«Մենք տեղյակ ենք սոցցանցերում հրապարակումների մասին, դեպարտամենտը ուսումնասիրում է այդ հարցը», – New York Times-ին ասել է Պենտագոնի մամուլի քարտուղարի տեղակալ Սաբրինա Սինգհը:
