2022-ի համեմատ՝ այն 1․5 անգամ ավելի է
2023-ին առցանց մթերքներ պատվիրելու վրա ռուսաստանաբնակները ծախսել են ավելի քան 917 մլրդ ռուբլի, որ համարժեք է ավելի քան 7 մլրդ դոլարի։ Ըստ ռուսական լրատվամիջոցների՝ դա 1.5 անգամ ավելի է 2022-ին գրանցված ցուցանիշից՝ 622 միլիարդ ռուբլի (ավելի քան 4 մրդ դոլար):
Սննդի առցանց վաճառքի ամենամեծ աճը գրանցվել է նախորդ տարվա վերջին եռամսյակում՝ 57 %։
Նման՝ մոտ 100 մլրդ ռուբլիի հասնող ցուցանիշ գրանցվել է մի քանի պատճառով․ նախ՝ տարատեսակ ակցիաներն են շատ, բացի այդ՝ շեշտակի է աճել ալկոհոլի առցանց վաճառքը, ինչպես նաեւ՝ առաքիչներն բավական քչացել են, ինչն էլ, ինքնաբերաբար, հանգեցրել է վերջիններիս աշխատավարձի ավելի քան 40 % աճի։
Ռուս սոցիոլոգները կարծում են, որ Ռուսաստանում առցանց առաքումները գնալով շատանալու են։ Զարգանալու է նաեւ առաքման «Էքսպրես» ծառայությունը, քանի որ մարդիկ կան, որ պատրաստ են մի քանի անգամ ավելի վճարել, միայն թե պատվիրած ապրանքը, մթերքը կամ այլ իրը հնարավորինս արագ տեղ հասնի:
Ս․Վ․
