Ռուսաստանի թիկունքում և ի հեճուկս ՌԴ-ի՝ մենք չենք պատրաստվում անել՝ համանեայն դեպս այս փուլում, երբ երկխոսության հնարավորությունները լայն են և բաց, այսօր լրագրողների հետ ճեպազրույցում հայտարարեց վարչապետ Նիկոլ Փաշինյանը՝ պատասխանելով հարցին՝ ՀՀ-ում գտնվող Ղազախստանի ԱԳ նախարարի այցի ժամանակ քննարկվելո՞ւ է երկաթուղին կոնսեցիոն կառավարման հանձնելու հարցը:
«Ղազախստանն, օգոստոսից ի վեր, չի թաքցրել իր հետաքրքրությունը TRIPP-ի վերաբերյալ։ Ղազախստանը միջազգային տրանսպորտային խոշոր խաղացողներից է, և ղազախ մեր գործընկերները փորձում են հասկանալ, թե տրանսպորտային ինչ հնարավորություններ են բացվում, ինչ նոր հնարավորություններ են բացվում իրենց համար։ Ղազախստանը միակ երկիրը չէ, որ հետաքրքված է. բազմաթիվ երկրներ հետաքրքված են։ Եվ մենք այդ թվում Ղազախստանին, պիտի հրավիրենք՝ պատրաստ լինել Հայաստանով անցնող տարանցիկ ուղիներն օգտագործել իրենց արտահանումների, ներկրումների և իրենց կողմից մատուցվող տրանսպորտային ծառայությունների շղթայի մեջ»,- ասաց Նիկոլ Փաշինյանը:
Նա միաժամանակ ընդգծեց, որ բացի Ղազախսանից՝ բազմաթիվ երկրներ հետաքրքրված են «Հարավկովկասյան երկաթուղիներ»-ի հարցով:
Հիշեցնենք՝ «Ղազախստանի երկաթուղիներ» ընկերությունից և Ղազախստանի տրանսպորտի նախարարությունից հայտնել էին, որ Ղազախստանը ներկայումս բանակցություններ չի վարում հայկական երկաթուղիների համար ռուսական կոնցեսիայի ձեռքբերման վերաբերյալ։
