Ռուսական բանակը կստանա կապի միջոցների քողարկման առաջավոր միջոցներ։ Դրա փորձարկումը ավարտական փուլում է։
Խոսքը «Պավլին» համալիրի մասին է, որի շնորհիվ ընդունող եւ փոխանցող սարքերը կարելի է տանել օպերատորից ցանկացած հեռավորության վրա գտնվող տարածք, գրել է «Տեխկուլտը»։ Համալիրը նախատեսված է կապի տարբեր միջոցներով, անօդաչուների կառավարման բլոկներով աշխատելու համար։
Նշվել է, որ տարածությունը, որտեղ կարելի է տանել կապի սարքը, կարող է լինել «անսահմանափակ», իսկ «Պավլինի» կոմուտացիան կատարվում է օպտիկական մալուխով եւ, իհարկե, գաղտնագրմամբ։ Այսինքն՝ քողարկվում են ոչ միայն տվյալների փոխանցման սարքերը, այլեւ շտաբների, տարբեր հրամանատարական կետերի, դրոնների կառավարման դիրքերի գտնվելու վայրերը։
