ՀՀ ոստիկանության լրատվության ծառայությունից հայտնում են, որ Ազատության հրապարակից քիչ առաջ բերման է ենթարկել 20 քաղաքացի։
Քաղաքացիների նկատմամբ Վարչական իրավախախտման 182.5-րդ (ռազմական դրության իրավական ռեժիմի ընթացքում գործող կանոնները խախտելը) հոդվածով կազմվել է արձանագրություն։
Ազատության հրապարակում, երբ արդեն ավարտվել էր Նիկոլ Փաշինյանի հրաժարականի պահանջով երթին հաջորդած փոքր հանրահավաքը, ոստիկանության աշխատակիցները բռնի ուժով բերման էին ենթարկել քաղաքացիներին, որոնք արդեն պատրաստվում էին տուն գնալ:
Ոստիկանները սաղավարտներով ու վահաններով են և կուռ շղթա են կազմել, իսկ բերման ենթարկվողներին շղթայից ներս են տանում: Նրանք բարձրախոսով պարբերաբար հայտարարում էին, որ հավաքն ապօրինի է, պետք է հեռանալ, հակառակ դեպքում կկիրառվեն հարկադրանքի միջոցներ:
