Ազգային ժողովում լրագրողների շուրջկալում հայտնված էկոնոմիկայի նախարար Վահան Քերոբյանին Azg.am-ն այսօր հարց ուղղեց՝ քաղաքակա՞ն դրդապատճառով է ռուսական կողմը խոչընդոտում հայկական ապրանքների մուտքը Ռուսաստան, ինչի պատճառով մոտ 1700 բեռնատար օրեր շարունակ կիլոմետրանոց հերթի մեջ է։
«Ես այդպես չէի ասի, մեզ համար ուղղակի տարօրինակ է, որ մեկ ամբողջ տարվա մեջ 35 մեքենա է վերադարձվում և հետո երկու օրվա մեջ ևս 35 մեքենա։ Դա այն դեպքում, երբ մատակարարները իրենք ապրանքների որակի մեջ որևէ փոփոխություն չեն արել»,- ասաց նախարար Քեորբյանն՝ արձանագրելով՝ իր համար նույնպես անհասկանալի է Ռուսաստանի վարքագիծը։
Հարցը մեկ անգամ էլ տվեցինք՝ այս անգամ ավելի հստակ ձեւակերպմամբ․ «Պատճառը գուցե այն է, որ Հայաստանը բոյկոտո՞ւմ է ՀԱՊԿ նիստերը, իսկ պաշտոնական Մոսկվան դրան տնտեսական «սանկցիայով» է պատասխանում»։
Ոլորտի պատասխանատու նախարարը հարցին պատասխանալու փոխարեն՝ ուսապարկն ուսը գցեց ու հեռացավ։
Սեւակ Վարդումյան
