Այսօր մամուլի ասուլիսի ժամանակ մեդիափորձագետ Տիգրան Քոչարյանը պնդել է, որ ԶՈւ ԳՇ պետ Օնիկ Գասպարյանն ավելի վաղ պետք է քայլեր ձեռնարկեր՝ կանխելու Նիկոլ Փաշինյանի գործողությունները: Քոչարյանի խոսքով՝ եթե Օնիկ Գասպարյանը հիմա էլ քայլեր չձեռնարկի, դա կանի Նիկոլ Փաշինյանը:
«Օնիկ Գասպարյանը որոշակի քայլեր պետք է ձեռնարկեր պատերազմի 3-րդ օրը, երբ զգուշացրեց Փաշինյանին, որ չենք ձգում, և պետք է դիվանագիտական ճանապարհով կանգնեցնել պատերազմը, այն ժամանակ, երբ հոկտեմբերի 18-ին թե 19-ին Ռուսաստանը առաջարկեց կանգնեցնել, և այն ժամանակ դեռ Շուշիի հարց չկար, այդ ժամանակ Օնիկ Գասպարյանը պետք է ձերբակալեր Նիկոլ Փաշինյանին, նոյեմբերի 9-ին դա պետք է աներ, հիմա չգիտեմ՝ ինքը դի՞նջ է, թե՞ ուրիշ ձև էր մտածում, եկել է հասել էս վիճակին:
Օնիկ Գասպարյանը պետք է, որ Նիկոլ Փաշինյանին ճանաչի, Նիկոլ Փաշինյանը չի ներելու ո՛չ Օնիկ Գասպարյանին, ո՛չ հայտարարության տակ ստորագրած 40 հոգուն: Բոլորի հետևից գալու են, բոլորի գլխին ինքը սարքելու է և տեսնելու է իրենց բանտում»,- ասել է Տիգրան Քոչարյանը:
168.am
