2024 թվականին պետական բյուջեի եկամուտները կազմել են 2 տրիլիոն 579 միլիարդ 200 միլիոն դրան, ինչը նշանակում է, որ մենք բոլորս մեր աշխատանքով այսքան գումար ենք փոխանցել պետբյուջե, որը մեր երկրի ընտանեկան բյուջեն է։Այս մասին ԱԺ-ում 2024 թվականի պետական բյուջեի կատարման տարեկան հաշվետվությունը ներկայացնելիս ասաց վարչապետ Նիկոլ Փաշինյանը:
Նրա խոսքով՝ 2024 թվականի նոյեմբերին ՀՀ բոլոր ժամանկների գրանցված և աշխատավարձով ապահովված աշխատատեղերի բացարձակ ռեկորդ է սահմանվել։ Գրանցվել է 782 հազար 832 աշխատատեղ, որը 32 տոկոսով ավել է 2018 թվականի նոյեմբերի ցուցանիշից։
«Այս տարվա ապրիլին, սակայն, գրանցվել է նոր ռեկորդ. 783 հազար 547, որը 2018 թվականի ապրիլի նկատմամբ ավելի է 44.7 տոկոսով։ 2018-ի ապրիլին Հայաստանում միջին աշխատավարձը եղել է 173.996 դրամ, այս տարվա ապրիլին՝ 304 հազար 992 դրամ. աճը կազմել է 75 տոկոս։ Նույն ժամանակահատվածում կուտակային գնաճը կազմել է 25 տոկոս։
Այս թիվը վկայությունն է այն բանի, որ մարդիկ Հայաստանում ավելի լավ են ապրում՝ շուրջ 50 տոկոսով։ Սա, իհարկե, չի նշանակում, որ մարդիկ գոհ են իրենց կյանքից։ Մարդիկ իրենց կյանքից կարող են գոհ չլինել մի շատ պարզ և հասկանալի պատճառով՝ որովհետև ուզում են ավելի լավ ապրել, որովհետև տեսնում են, որ այսօրվա Հայաստանում ավելի լավ ապրել հնարավոր է»,- ասաց Փաշինյանը։
