Մամիկոն Ասլանյանը կալանավորվեց

Երեւանի ընդհանուր իրավասության դատարանն այսօր՝ դեկտեմբերի 16-ին, «Մամիկոն Ասլանյան» կուսակցությունների դաշինքի Վանաձորի համայնքապետի հաղթած թեկնածու Մամիկոն Ասլանյանին կալանավորելու մասին որոշում կայացրեց։

Ասլանյանին մեղադրանք է առաջադրվել ՀՀ ՔՕ 308-րդ հոդվածի 1-ին եւ 2-րդ մասերի (պաշտոնեական լիազորությունները չարաշահելը), 309-րդ հոդվածի (պաշտոնեական լիազորություններն անցնելը), 314-րդ հոդվածի 1-ին մասի (պաշտոնեական կեղծիքը) հատկանիշներով, որոնք վերաբերում են համայնքի որոշ հողատարածքների շահագործման նպատակները փոխելուն։

Ասլանյանի փաստաբան Երվանդ Վարոսյաննը ֆեյսբուքյան իր էջում գրառում է արել՝ դատարանիորոշումը համարելով ապօրինի։

«Քաղաքական պատվերն առայժմ կատարված է։

Առանձնակի ցավում եմ հատկապես դատավոր Արուսյակ Ալեքսանյանի համար։ Համակարգը խժռում է մարդուն, իսկ համակարգին ամեն մեկն ունակ չէ դիմադրել, ամեն մեկը չունի այդ ունակությունը, ամեն մեկը չի կարող լինել դատավոր»,- գրել է Վարոսյանը։