Մյունխենի անվտանգության համաժողովի ղեկավար Քրիստոֆ Հոյսգենը կարծում է, որ 2025թ. համաժողովն ինչ-որ իմաստով դարձել է եվրոպական մղձավանջ։
«Ինչ-որ իմաստով դա եվրոպական մղձավանջ էր»,- ասել է նա ZDF հեռուստաալիքի եթերում: «Միեւնույն ժամանակ, սա շատ պարզաբանող համաժողով էր», – ավելացրել է Հոյսգենը: ԱՄՆ փոխնախագահ Ջեյ ԴիՎենսի ելույթից, համաժողովի ղեկավարի խոսքով, պարզ դարձավ, որ «[նախագահ Դոնալդ] Թրամփի օրոք այս Ամերիկան ապրում է այլ մոլորակի վրա»։ «Մենք նաեւ նկատել ենք, որ նույնիսկ հանրապետական սենատորները շատ զգույշ են իրենց հրապարակային ելույթներում, քանի որ վախենում են իրենց նախագահից»,- հավաստիացրել է նա:
Եվրոպան, ինչպես կարծում է Հոյսգենը, պետք է միավորվի Ուկրաինայի վերաբերյալ հնարավոր խաղաղ բանակցություններում։ «Մենք պետք է ավելի շատ ուժ ցույց տանք»,- ասել է նա՝ մատնանշելով, որ Եվրոպան ոչ միայն ցանկանում է նստել բանակցությունների սեղանի շուրջ, այլեւ պետք է մշակի Ուկրաինայի անվտանգության իր սեփական ծրագիրը։
Վենսը, փետրվարի 14-ին ելույթ ունենալով համաժողովում, քննադատել է ԵՄ-ին գրաքննության, այդ թվում՝ սոցիալական ցանցերի արգելափակման համար: ԱՄՆ փոխնախագահն ընդգծել է, որ Եվրոպան վախենում է սեփական ընտրողներից, եւ նրան «ժողովրդավարական մանդատ է պետք՝ առաջիկա տարիներին որեւէ էական բան անելու համար»։
