Հունիսի 20-ին ՀՀ վարչապետ Նիկոլ Փաշինյանը կմեկնի Անկարա նախապես հայտարարված այցով։ Ռեջեփ Էրդողանի հետ բանակցությունների օրակարգում են երկկողմ հարաբերությունների կարգավորման հարցերը՝ զուգորդված Երևանի և Բաքվի միջև խաղաղության համաձայնագրի ստորագրման հետ. գրում է Фонд Стратегической Культуры պարբերականը։
Հրապարակումը թարգմանաբար՝ ստորև.
Ակնհայտ է, որ Հայաստանի արևելյան և արևմտյան հարևանների պահանջներն ուժի դիրքերից կարող են հեռուն գնալ, հասնել Հայաստանի տնտեսության հիմնական ոլորտներում, այդ թվում՝ էներգետիկայի և այլ արդյունաբերությունների, որտեղ ռուսական բիզնեսը շատ ուժեղ դիրք ունի։
Եվ այս առումով, պատահական չէ նախորդ օրը Երևանում հայազգի ռուսաստանաբնակ գործարար, «Տաշիր» խմբի ղեկավար Սամվել Կարապետյանի աղմկահարույց ձերբակալությունը։ Շատ տարիներ առաջ նա գնեց անհույս անշահավետ թվացող «Հայաստանի էլեկտրական ցանցեր» ընկերությունը, որը հայտնվեց Նիկոլ Փաշինյանի կառավարության ուշադրության կենտրոնում։
Վարչապետի կողմից «Հայաստանի էլեկտրական ցանցերը» «ազգայնացնելու» մտադրությունը ոչ այլ ինչ է, քան ընկերությունը զավթելու և այնուհետև թուրքերին փոխանցելու համար սկսված ավազակային արշավի քողարկում: Ըստ առկա տեղեկությունների, խոսքը «Ակսա Էներջի» ընկերության մասին է, որը «Կազանջի Հոլդինգի» մաս է կազմում և որի սեփականատեր Ջեմալ Ղազանչին հետաքրքրված է Հայաստանի էներգետիկ ցանցերի ձեռքբերմամբ: Գլխավոր բանակցողը օլիգարխ Խաչատուր Սուքիասյանն է («Գրզո»), որը սերտորեն կապված է Փաշինյանի կառավարության հետ և աշխատում է նույն թուրքերին Քաջարանի մոլիբդենային կոմբինատի («Գեոպրոմայնինգ» ընկերության ակտիվ) վերավաճառելու ուղղությամբ: Կարելի է ենթադրել, որ հաջորդ քայլը կլինի Հայկական ԱԷԿ-ի փակումը, ինչին ակտիվորեն ձգտում են Բաքուն և Անկարան։ Դրան կհաջորդի Հայաստանի ավելի սերտ ինտեգրումը թուրք-ադրբեջանական էներգետիկ նախագծերին։
Կարապետյանի դեմ տեղեկատվական արշավը սկսվել էր նախապես, ինչը վկայում է ավելի լայն և համակարգված ջանքերի մասին, որը այսպես կոչված «ղարաբաղյան կլանի» և Հայ Առաքելական եկեղեցու դեմ հարձակումների տրամաբանական շարունակությունն է։
Ուշադրություն է գրավում նաև Հայաստանի Ազգային անվտանգության ծառայության պետ Ա. Աբազյանի հրաժարականը, ով, որոշ աղբյուրների համաձայն, նախորդ գիշերը հրաժարվել էր անհիմն կասկածների հիման վրա ձերբակալել ձերբակալել Կարապետյանին, ինչի հետևանքով անհրաժեշտություն է առաջացել դիմել տեղի ոստիկանության Երևանի վարչության ծառայություններին, և իրավիճակը դուրս է եկել վերահսկողությունից։ Կարապետյանին մեղադրանք է առաջադրվել իշխանությունը զավթելու հրապարակային կոչերի համար, և Քննչական կոմիտեն հայց է ներկայացրել Կարապետյանին ձերբակալելու համար։
ՍամվելԿարապետյանը ՌԴ քաղաքցի է։ Գործարարի փաստաբանը նշել է, որ իր պաշտպանյալի գործողություններում որևէ քրեական հանցանք չի տեսնում։
Մոսկվան ուշադիր հետևում է Սամվել Կարապետյանի ձերբակալության շուրջ ստեղծված իրավիճակին և կտրամադրի անհրաժեշտ օգնություն, հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։ Սուրբ Էջմիածինը, Հայ Առաքելական Եկեղեցու Մոսկվայի թեմը և Ռուսաստանի հայերի միությունը անմիջապես հանդես են եկել՝ հաջակցություն Կարապետյանի։ Միևնույն ժամանակ, ակնհայտ է, որ Փաշինյանը և նրա թիմը այդքան հեշտությամբ չեն հանձնվի՝ Հայաստանի «աշխարհաքաղաքական վերադաստիարակության» գործը մինչև վերջ տանելու համար։
