«Պարզվում է, որ ես իբր թե անցնում եմ որպես մեղադրյալ ինչ-որ մի գործով, մինչդեռ, այս պահի դրությամբ ես որևէ ծանուցում չունեմ՝ մեղադրյալ լինելու մասին։ Անհասկանալի է՝ ինչ գործով եմ անցնում և ինչ կարգավիճակով եմ»,- ասուլիսի ժամանակ ասաց ՀՀԿ փոխնախագահ արմեն Աշոտյանը։
Ծանուցման բացակայության պայմաններում նրա նկատմամբ որպես խափանման միջոց է կիրառվել չհեռանալու մասին որոշում, որը պետք է հաստատվեր Արմեն Աշոտյանի ստորագրությամբ, ինչը չի արվել։
«Ես չեմ ստորագրել, որովհետև ես մեղադրյալ չեմ, ու ոչ ոք ինձ չի ծանուցել։ Այս աստիճանի լկտիություն, ցինիկություն չէր կարող պատկերացնել՝ անգամ Նիկոլ Փաշինյանի նման մարդուց։
Այս կերած բողկերը շատ ավելի մեծ են՝ քան ՔԿ կամ Դատախազության ղեկավարների գլուխները։ Նրանք իրենց գլխից մեծ բողկ են կերել և, ակնհայտ է, որ նման մեծ բողկ մեր երկրում կարող է ուտել բացառապես մեկ մարդ՝ Նիկոլ Փաշինյանը։ Եթե նախորդ բոլոր խնդիրներում իմ անձի հետ կապված՝ առանց ծանուցման, բերման են ենթարկում ԵՊԲՀ նախկին ռեկտորին, աշխատակիցներին և այլն, երբ քիչ է մնում «Ո՞վ գործ կտա Արմեն Աշոտյանի վրա» շարադրությունների միջազգային բաց մրցույթ հայտարարել և հաղթողին դրամական խոստում տալ, դա իրականացվում էր ՔԿ ղեկավարի կողմից՝ Նիկոլ Փաշինյանի հորդորով, ապա ակնհայտ է, որ այսպիսի բողկ կարող էր ուտել միայն պայմանական մարդը»,- «Զվարթնոց» օդանավակայանում իր՝ Հայաստանից դուրս գալու արգելքի մասին ասաց Արմեն Աշոտյանը։
Աշոտյանի կարծիքով՝ դատախազությունն ու ՔԿ-ն պասերով են խաղում, վստահ է՝ այժմ հետին թվով իրեն մեղադրյալ ներգրավելու որոշում է կայացվում։
«Զվարթնոց» օդանավակայանում անձնագրային ստուգման փուլում ինձ արգելում են լքել Հայաստանը մի անհեթեթ հիմքով, թե իբր ես մեղադրյալ եմ ինչ-որ մի գործով. առավոտյան հայտնել էր ՀՀԿ փոխնախագահ Արմեն Աշոտյանը։
«Ինչպես հայտնել էի, պիտի մեկնեմ Լիսաբոն ԵԺԿ Քաղաքական համաժողովին։
Սակայն «Զվարթնոց» օդանավակայանում անձնագրային ստուգման փուլում ինձ արգելում եմ լքել Հայաստանը մի անհեթեթ հիմքով, թե իբր ես մեղադրյալ եմ ինչ-որ մի գործով։
Աբսուրդն էլ ավելի է խորանում, քանզի մինչ այս պահը ինձ ոչ մի մեղադրանք եւ ոչ մի գործով չի առաջադրվել։
Բայց սա էլ Նիկոլի ղեկավարած երկրի իրավապահ համակարգի կամակատարության վերջը չի։
Ինձ փոխանցել են ինչ-որ մի հեռախոսահամար, որը քննիչի է ու որի հետ, ուշադիր, ես ինքս իբր պիտի առավոտ կապվեմ։
Հիմա փաստաբանս փորձում է կապ հաստատել թե ՄԻՊ գրասենյակի (ֆորմալ է, հասկանում եմ),թե քննիչի հետ»,-տեղեկացրել էր նա։
