«Նախորդ ֆորումների ժամանակ մենք ցեղասպանությունը սկսել ենք դիտարկել, ոչ միայն որպես պատմանակ երևույթ, պատմական ժառանգություն, այլև վտանգ և սպառնալիք, որ այսօր էլ աշխարհրի տարբեր տարածաշրջաններում գոյություն ունի և որի կանխարգելումը դառնում է իրական խնդիր». «Ընդդեմ ցեղասպանության հանցագործության» 4-րդ Գլոբալ ֆորումի ժամանակ իր ելույթում ասաց ՀՀ վարչապետ Նիկոլ Փաշինյանը։
Նա նշեց, որ այս համատեքստում ՀՀ ներկայացուցիչներս ընդգծում ենք 20-րդ դարասկզբին տեղի ունեցած, բայց այսօր էլ շարունակվող ցեղասպանության վտանգներն ու սպառնալիքները, որոնք մեր տարածաշրջանում դիտարկվում են հրատապ կանխարգելման երևույթ։
«Վերջին շրջանում մասնավորապես ԼՂ հայության ներկայացուցիչների կողմից ահազանգվում է պոտենցիալ ցեղասպանությունը՝ որպես սպառնալիք, որին միջազգային հանրությունը պետք է լուրջ վերաբերվի։
2020 թվականի նոյեմբերի 9-ի հայտարությունը ստեղծել է մեխանիզմ ԼՂ-ի հայությանը պոտենցիալ ցեղասպանությունից պաշտպանելու, բայց տեսնում ենք, որ հնչող մտավախությունները դառնում են առարկայական։
2021 թվականին մենք ականատես եղանք իրողությունների, երբ ԼՂ-ում գյուղատնտեսական աշխատանք իրականացնող անձինք դիպուկահարների կողմից սպանվեցին տրակտորի ղեկին, երբ ադրբեջանական զինուժը ներխուժեց ԼՂ-ում ռուս խաղաղապահների պատասխանատվության գոտի և այդ պրոցեսը զուգորդվեց ուշադրության արժանի մի քանի երևույթներով, մասնավորապես, երբ Ադրբեջանի զինուժը գիշերային ժամերին ուժեղ լուսարձակների միջոցով լուսավորում էր հայկական գյուղերի տները և միացնում իսլամական աղոթքի հրավեր և բարձրախոսներով կոչ անում հայերին լքել իրենց տներ»,- Արցախի Հանրապետությունում տիրող իրավիճակը Ֆորումի մասնակիցներին ներկայացրեց Նիկոլ Փաշինյանը։
Տարածաշրջանում պետք է կառավարվի թշնամությունը, ու դա պետք է սկսկել ատելության խոսքի կառավարումից. Փաշինյանի դիտարկումն է։
«Դա գոյություն ունի Հայաստան-Թուրքիա, Հայաստան-Ադրբեջան հարաբերություններում, ու ես չեմ ուզում, որ մենք անընդհատ լինենք քննադատողի դերում ու հրաժարվենք ինքնահայեցման հնարավորությունից», – նշեց նա:
Վարչապետի խոսքով՝ Հայաստանում պետք է դադարեցնել մարդկանց, այդ թվում՝ քաղաքական մրցակիցներին կամ հակառակորդներին վիրավորելու համար օգտագործել ուրիշ ազգի անուն:
«Հայաստանում կա այդ բանը, օրինակ, եթե ուզում են որևէ մեկին ամենասուր ձևով խոցել, շատ պարզ ձև կա դրա համար՝ ասել՝ «դու թուրք ես»: Մի մարդ, որը ձեզ հայտնի հանգամանքների բերումով բավականին շատ արժանացել է այդ հասցեագրմանը. ես ինձ վիրավորելու միտում ունեցող մարդկանց ուզում եմ ասել, որ դրանով իրենք ինձ չեն վիրավորում, որովհետև ես դա վիրավորանք չեմ ընդունում ու ընկալում», – նշեց վարչապետը:
