Ես ուշադրությամբ լեսել եմ Նիկոլ Փաշինայնի հարցազրույցը, նրա ասած հայտարարութնը՝ որպես Հայաստանի բարձրագույն պաշտոնական անձ։ Ես՝ որպես Գուրգեն Արսենյան, ԱԺ պատգամավոր, հայտարարում եմ իմ լիակատար աջակցությունը Նիկոլ Փաշինյանի կողմից իրականացվող քաղաքականությունը, այդ թվում նաև՝ խաղաղության օրակարգն իր ավարտին հասցնելու ձգտումներին. ԱԺ-ում հայտարարեց Գուրգեն Արսենյանը։
Երկու ձեռքով պաշտպանելու եմ խաղաղության օրակարգը, պաշտպանելու եմ այն գործընթացը, որը բերելու է հարևան երկրի հետ խաղաղության, նաև տարածքային ամբողջականության փոխադարձ ճանաչմանը։
Վերահաստատում եմ իմ աջակցությունը ՀՀ վարչապետին։ Ասում եմ, որ մենք վճռական ենք՝ ՀՀ անունից, ՀՀ ժողովրդի անունից ավարտին հասցնել մեր հարևանների հետ, ինչպես նաև Թուրքիայի հետ հարաբերությունների կարգավորման գործընթացը, որը համաորւմ եմ մեր քաղաքական թիմի կարևորագույն առաքելությունը ՀՀ ժողովրդի առջև։
ՀՀ պետական շահերի պաշտպանությունը մեր առաջնային խնդիրն է. շարունակեց նա։
Քպ-ական պատգամավորն իր հայտարարությունները բացատրեց իրենց ընտրազանգվածից մանդատ ստանալու արտոնությամբ՝ ասելով. «ՀՀ քաղաքական գործիչները ՀՀ ժողովրդից ստացել են մանդատ՝ սպասարկելու ՀՀ պետական շահերը»։
ՀՀ ընտրազանգվածից մանդատ ստացած իշխանությունը չէ՞ որ միանձնյա որոշեց Արցախի ու Արցախցու ճակատագիրը՝ նրանցից մանդատ չստանալով, ու այդ որոշման հետևանքով մենք կորցնում ենք Արցախն ամբողջությամբ։
Արսենյանն այս առնչությամբ ասաց. «Արցախում ապրում են հայեր, Ջավախքում էլ են ապրում հայեր, Բեյրութում էլ են ապրում հայեր, Գլենդելում էլ են ապրում հայեր, Ավստրալիայում էլ են ապրում հայեր, պետական գործիչներիս առաջնային խնդիրը ՀՀ շահերի սպասարկումն է, ՀՀ պաշտպանությունն է»։
Այսինքն՝ այս մարդը հավասարության նշան է դնում իր նշած քաղաքներում ու երկրնում ապրող ու Ադրբեջանի տիրապետության տակ հայտնվելիք հայերի կարգավիճակի, անվտանգության միջև։
«Մեր քաղաքական թիմը Նիկոլ Փաշինյանի գլխավորությամբ իրականացնում է այն քաղաքականությունը, որն օգտակար է ՀՀ-ի համար, որը ճիշտ է ՀՀ-ի համար, հանրային գնահատականներ կան այն մասին, որ Արցախի մեր հայրենակիցների կյանքի ներկայի և ապագայի հետ կապված՝ այս քաղաքականությունը բերելու է բարդությունների։ Դրա համար էլ մեր պետական ու քաղաքական գործիչները բանակցությունների ընթացքում արծարծում են արցախահայության անվտանգության երաշխիքների հարցը։ Ադրբեջանի ղեկավարությունն առայժմ ընդառաջ քայլ չի արել, սակայն, կարծում եմ, որ Ադրբեջանի ղեկավարն էլ ծանրացնում է իր բանակցային դիրքերը, փորձում է բանակցային առավելություն ստանալ»,- անվրդով ասաց Արսենյանը։
Այսինքն՝ դե անվտանգության երաշխիք կլինի, լավ, չի լինի՝ մե՞նք ինչ անենք, Փաշինյանն ի՞նչ անի, թող արցախցիները մտածեն դրա մասին։
Այն, որ 2021 թվականի ՔՊ-ի նախընտրական ծրագրում սևով սպիտակի վրա նշված է Արցախի անվտանգության ու պաշտպանության, անգամ Շուշին ու Հադրութը դեօկուպացնելու հարցը, բոլորը գիտեն, բայց այստեղ էլ է պատգամավորն արդարանալու ելքեր գտնում։
«Ոչ մի կառավարություն երկիր մոլորակի վրա երբեք չի իրականացրել իր նախընտրական ծրագիրն ամբողջությամբ։ Այն, ինչ գրել ենք մեր նախընտրական ծրագրում, դրանք մեր ցանկություններ են այդ պահին։ Մենք դա ցանկանում էինք, փափագում էինք, երազում էինք, իսկ այն, ինչ տեղի է ունենում, դա իրականությունն է։ Իրականության հետ պետք է հաշվի նստել, որովհետև պետք է հեռու մնալ արկածախնդրությունից։ Չպետք է ժողովրդին տանել մի պրոցեսի, որի ավարտը կարող է լինել մեզ համար ողբերգական»,- բառացի ասաց Արսենյանը։
Նորից նշենք՝ ՔՊ-ի նախընտրական ծրագրում Արցախի անվտանգությունն ու պաշտպանությունն առանցքային կետ էր, Շուշիի ու Հադրութի դեօկուպացիան՝ նույնպես։
ՔՊ-ի ներկայացուցիչ Արսենյանը բացահայտ ինքնախոստովանեց, որ իրենց ընտրողներին խաբել են, իրենց նախընտրական ծրագրերն ընդամենը ցանկություն էր, փափագ, երազանք։ Ու ԱԺ 4 գումարումների ստաժավոր պատգամավորը այսքանից հետո ամեն երկրորդ բառը մեկ նշում է, որ իրենք պետական, քաղաքական գործիչներ են՝ գերագույն գործչի անվերապահ առաջնորդությամբ։
Հետո ասում է, որ պետական գործիչը պետք է հեռու մնա արկածախնդրությունից։
2018-ին հայտարարել. «Հայաստանի ու Արցախի օդը փակ չի, Արցախը Հայաստան է և վերջ, ինչ ուզում եմ, էն էլ բանակցում եմ» արկածախնդրություն չի՞, ու երկու պետություն տանել պատերազմի, կապիտուլյացիայի, մի ամբողջ սերնդի ոչնչացման, կործանման։
Եթե մեր երկրում բոլոր ոլորտները չուղղորդվեին մեկ ձեռքից ու մեկ բերանից, համապատասխան կառույցները հենց հիմա պետք է արդեն զբաղված լինեին Գուրգեն Արսենյանի՝ ՔՊ-ի կողմից կուսակցական շահի հետապնդման նպատակով ընտրողներին մոլորեցնելու և խաբելու հանցագործության մասին հաղորդման քննությամբ։
