Քրիստոնեական համերաշխության միջազգային կազմակերպության (Christian Solidarity International (CSI) ներկայացուցիչները նոր այցով գտնվում են Հայաստանի Հանրապետությունում՝ իրենց առաքելությունը շարունակելու նպատակով: Նրանք հանդես են եկել մամուլի ասուլիսով։ Կազմակերպության նախագահ Ջոն Էյբները նշել է, որ այցի նպատակն է պարզել իշխանությունների և Հայ Առաքելական Եկեղեցու հարաբերություններում առկա ճգնաժամային իրավիճակը: Հանդիպում է տեղի ունեցել Ամենայն Հայոց Կաթողիկոս Գարեգին Երկրորդի հետ: «Նա վճռական է տրամադրված իր հոտը պաշտպանելու և իր պարտականությունները կատարելու հարցում», – նշել է Էյբները:
Այսօր պատվիրակության ներկայացուցիչները հանդիպել են նաև կալանավորված Բագրատ արքեպիսկոպոս Գալստանյանի հետ. նա գտնվում է այն նույն խցում, որտեղ 30-ականների վերջին՝ ԽՍՀՄ տարիներին, սպանվել է Խորեն Ա արքեպիսկոպոս Մուրադբեկյանը (նյութում հիշատակված է Վարդազարյան): «Նա դրական է տրամադրված և համոզված է, որ ճշմարտությունն ու արդարությունը կհաղթեն: Նա երկու նամակ է փոխանցել. մեկը՝ Վաշինգտոնում ընթացող Դավանանքի ազատության միջազգային գագաթնաժողովին, իսկ երկրորդը հասցեագրված է ԱՄՆ փոխնախագահ Վենսին, ով շուտով այցելելու է Հայաստան և Ադրբեջան», – հայտնել է նա:
Christian Solidarity International-ի ներկայացուցիչները հանդիպել են ոչ միայն Կաթողիկոսի, այլ նաև կալանավորված Բագրատ Սրբազանի հետ։
Բագրատ Սրբազանը այն նույն բանտախցում է, որտեղ 1937 թվականին խորհրդային ուժերի կողմից սպանվել է հենց իր անունը կրող արքեպիսկոպոս Բագրատ Վարդազարյանը․ ասել է Ջոն Էյբները։
«Շատ ուրախ եմ որ կարող եմ գտնվել Հայաստանում և հակիրճ մեկությամբ հանդես գալ որպես շվեյցարացի խորհրդարանական։
2024 թվականի հոկտեմբերին ես հանդիպեցի Լեռնային Ղարաբաղից տեղահանված անձանց հետ և նրանց տվեցի երեք հիմնական հարց․ «Կրոնական ազատության և մարդու իրավունքների պաշտպանության վիճակը՝ ՀՀ-ում» թեմայով քննարկման ժամանակ ասել է Շվեյցարիայի Ազգային խորհրդի անդամ Էրիխ Վոնտոբելը։
Այդ երեք հարցերն են.
1․ ի՞նչ տեղի ունեցավ 2023 թվականի սեպտեմբերին,
2․ ի՞նչ եք դուք ուզում հիմա․
3․ ինչպե՞ս է հնարավոր հասնել այդ նպատակին։
Նրանց հստակ առաջարկը հետևյալն էր․ կլոր սեղան Ադրբեջանի և Արցախի միջև՝ միջազգային կիծակետում։ Այդ հանդիպման ընթացքում ես խոստում տվեցի՝ «ես կվերադառնամ Շվեյցարիա և կփորձեմ անել ինչ-որ բան», ապա 2024 թվականի հոկտեմբերին ես «Խաղաղության ֆորում Լեռնային Ղարաբաղի համար՝ նպաստելով հայերին վերադառնալ» վերնագրով խնդրագիր ներկայացրեցի արտգործնախարարություն: Այս խնդրագիրն արժանացավ հանձնաժողովի մեծամասնության հավանությանը», -ասել է Էրիխ Վոնտոբելը։
