ԱԺ նախագահ Ալեն Սիմոնյանի տելեգրամյան գրառումը ներկայացնում ենք ստորև.
«Դաշնակ Քրիստինե Վարդանյանի հայրենասիրության տեսությունն է.
ասում է՝
ի՞նչ, Ալեն Սիմոնյանը Հովհաննես Քաջազնունի՞ն է, որի որդին զոհվել է հանուն անկախության:
Հաջորդ նախադասությամբ՝
մարդը Լիբանանը, Կանադան թողել, եկել է, հայրենիքում է ապրում, ու դուք մեղադրում եք, որ 4 տղաները ազատաված են բանակից )))
Ուրեմն կարդա՛ սա ու «ականջիդ օղ արա», որ այլևս ոչ մեկի երեխան չպետք է զոհվի և հերոսությունը զոհասեղան տանելը չէ, այլ այդ զոհը բացառելն է!
որ հերոսությունը ուրիշների երեխաների զոհվելու մասին ամբիոնից խոսալը չէ, երբ գիտես, որ գլուխդ չեն տալու զուգարանակոնքին ու սպանեն, այլ նման բանը արածի ցուցակով հանուն պաշտոնի լեզուն կուլ տալը չէ, այլ դա արածին պատասխանի կանչելն է: Հիշիր, որ հերոսությունը հայի համար Լիբանանից Հայաստան վերադառնալը չէ, այլ 4 տղաներիդ և քո ծառայությունը հայրենիքին մատուցելն է, այլ ոչ թե Կասկադի սրճարաններում սուրճ խմելիս հայրենասիրություն խաղալն է և անկախ երկրի ղեկավարների հասցեին ընտանիքի ներկայությամբ վիրավորանքներ բղավելն է՝ կրկին վստահ լինելով, որ գլուխդ չեն ջարդի:
Ու, հիշի՛ր, որ հայրենասիրությունն ամբիոնից սուտ խոսելը չէ, որ կողքից գովեն, դա թմրամոլության պես բան է՝ շատ կարճ, հաճելի է, հետո պարզվում է, որ քաղաքական բոմժ ես կամ խեղկատակ, որ շուրջդ նայես, օրինակները շատ են:
Ես ոչ Քաջազնունին եմ, ոչ այլ մեկը, բայց վստահ եմ, որ այսուհետ կոնկրետ դու իմ անունն ավելի երկար ես հիշելու, քան իրենը»:
Սրան Քրիստինե Վարդանյանը ֆեյսբուքյան իր էջում պատասխանել է այսպես.
Ի՞նչ պիտի անես, էլի…
Ուզում եմ հասկանալ, ինչի՞ մասին է սպառնալիքդ։
Սպառնո՞ւմ ես ֆեյքերի արշավ կազմակերպել։ Արդեն արել եք։
Սպառնո՞ւմ ես սուտ տեղեկություններ տարածել։ Արդեն արել եք։
Սպառնո՞ւմ ես ամբիոնից պիտակավորել ու թիրախավորել։ Արդեն արել եք։
Սպառնո՞ւմ ես կեղծ գործով կալանավորել։ Իմ նկատմամբ դեռ չեք արել, բայց փորձ ունեք, կարող եք անել։
Հիմա ասածդ ի՞նչ է, ինչ ես սպառնում անել։
Անձնապես ինձ ամենամեծ վնասն արդեն տվել եք՝ զրկելով ինձ համար կարևոր արժեքներից։
Սպառնո՞ւմ ես, որ ավելին կարող եք։ Հավատում եմ։
Նշենք, որ «Հայաստան» խմբակցույան պատգամավոր Քրիստինե Վարդանյանն այսօր սուր ելույթ է ունեցեվ ԱԺ ամբիոնից, որի ընթացքում դահլիճում աղմուկ-աղաղակ է բարձրացել։
