«Պատմական», այսպես էր անվանել Գուգարաց թեմի առաջնորդ, այսօր արդեն երջանկահիշատակ բարձրաշնորհ Տեր Սեպուհ Արքեպիսկոպոս Չուլջյանը, Լեռնահովիտի Սուրբ Ստեփանոս Նախավկա եկեղեցու վերաօծման արարողությունը, որը տեղի էր ունեցել 2016 թվականին՝ Սրբազանի ձեռամբ:
Մինչ այդ եկեղեցին չէր գործում, այն վերակառուցվել է Սարգիս Կարապետյանի նախաձեռնությամբ` թոռան՝ Վահե Կարապետյանի ու Կարապետյան ընտանիքի ֆինանսավորմամբ։ Բարերարները երբեք չեն խզել կապը ծննդավայրի՝ Տաշիրի ու Լոռվա տարածաշրջանի հետ, ուստի սիրով ու նվիրումով են ստանձնել խոնարհված սրբավայրերի վերականգնումը։
Եկեղեցու վերաօծումը մեծ և սպասված իրադարձություն էր և համախմբել էր գյուղի, տարածաշրջանի ու Սփյուռքի բազմաթիվ հայրենակիցների։
