Հուլիսի 29-ին տեղի է ունեցել Իրանի Մեջլիսի ազգային անվտանգության և արտաքին քաղաքականության մշտական հանձնաժողովի նիստը, որն անդրադարձել է 12-օրյա պատերազմից հետո տարածաշրջանում ձևավորված քաղաքական իրավիճակին։
Քննարկման ընթացքում շոշափվել է նաև Իրանի կողմից «կարմիր գիծ» հռչակված՝ Զանգեզուրի միջանցքի արտապատվիրակման հարցը։
Հանձնաժողովի անդամ Բորուջերդին նշել է, որ Զանգեզուրի վերաբերյալ Իրանի պաշտոնական դիրքորոշումը մի քանի անգամ փոխանցվել է ինչպես Վլադիմիր Պուտինին, այնպես էլ Ռեջեփ Թայիփ Էրդողանին։ Նա ընդգծել է, որ այս փուլում Իրանի վերամոբիլիզացիան Զանգեզուրում ունի կարևոր նշանակություն։
Իր ելույթում հանձնաժողովի խոսնակ Էբրահիմ Ռեզային շեշտել է Հայաստանի բացառիկ դերը՝ Իրանը կապելու Եվրոպական մայրցամաքի հետ։ Նա անդրադարձել է նաև Բաքվի հավակնություններին «միջանցքի» նկատմամբ՝ ընդգծելով, որ Հայկական Սյունիքի կորուստը հակասում է Իրանի ազգային շահերին, քանի որ նման դեպքում Իրանը կարող է կորցնել իր հարևաններից մեկին։
Խոսնակը հավելել է, որ Հայաստանի ներկայիս կառավարությունն ունակ չէ պաշտպանելու Սյունիքը, և վերահաստատել է Իրանի դիրքորոշումը, ըստ որի՝ Կովկասի խնդիրները պետք է լուծվեն տարածաշրջանի երկրների մասնակցությամբ, առանց արտաքին միջամտության։
Գ․ Առաքելյան
