Իրանի արտաքին գործերի նախարարության ներկայացուցիչ Իսմայիլ Բաղային ընդգծել է, որ իսրայելական ռեժիմն արժանի չէ ներկայացված լինել միջազգային միջոցառումներին։
Պատասխանելով COP29-ի գագաթաժողովին Բաքվում իսրայելական պատվիրակության ներկայության վերաբերյալ հարցին՝ նա հայտարարել է, որ ռեժիմը, որը չի հավատում ՄԱԿ-ի սկզբունքներին ու նպատակներին, և որի գոյությունը վիրավորանք է պաղեստինցիների համար, իրավունք չունի մասնակցելու միջազգային միջոցառումներին:
«ՄԱԿ-ի Մարդու իրավունքների հարցերով հատուկ զեկուցողը նաև պահանջել է, որ երկրները հավաքականորեն թույլ չտան Սիոնիստական ռեժիմի անդամակցությունը ՄԱԿ-ին, և այդ տրամաբանությունից ելնելով՝ միջազգային կազմակերպություններում այդ ռեժիմի ներկայության անհրաժեշտություն չկա»,- հավելել է Իրանի արտաքին գործերի նախարարության ներկայացուցիչը։
