Հայաստանի սահմանները կպաշտպանեն ռուս սահմանապահները, իսկ Թուրքիան կկործանվի Աստծո ուղարկած գեհենական կրակում։ Նման գրառմամբ է հանդես եկել իրանագետ Վարդան Ոսկանյանը։
«Վերոնշյալը պատրանքային կոմֆորտի գոտի է՝ ոչինչ չանելու համար դատարկ արդարացում, որովհետև սահմանի պաշտպանությունը բանակ է պահանջում, իսկ Թուրքիայի կործանումը՝ գոնե քրդական կառույցների հետ աշխատանք։
Աշխարհի մեր հատվածում դաշնակիցները և Աստված օգնում են նրանց, որոնք անտրտունջ պայքարում են, այլ ոչ թե հորանջելով ակնկալում, որ այդ պայքարը կմղի դաշնակիցը կամ Աստված»,- ֆեյսբուքում գրել է նա։
