Պետք է դուրս հանել բոլոր դեսպաններին, որոնք Հայաստանում ներկայացնում են երկրներ, որոնց համար ժողովրդավարական արժեքները մինչև 2018 թվականը շատ կարևոր էին, իսկ հիմա գեոպոլիտիկ խաղերի մեջ ցախ են դարձել։ Լրագրողների հետ ճեպազրույցում այսօր այս մասին ասաց ՀՀԿ փոխնախագահ Արմեն Աշոտյանը՝ անդրադառնալով քաղբանտարկյալների թեմային և այդ հարցին դեսպանների՝ անհաղորդ մնալու պրակտիկային։
«Այդ արժեքները դարձրել են ցախ, գցել են վառարանի մեջ, որ Նիկոլը տաք մնա, հանկարծ չմրսի։ Այդ բոլոր կառույցներին պետք է հանել կոմֆորտ զոնայից։ Օրեր առաջ նշվել է գենդերային հիմքով բռնությունների օրը։ Իսկ միակ կին քաղբանտարկյալը Լիդյա Մանաթաշյանը գենդերային հիմքով չի՞ նստած։ Նա նստած է մի բանի համար, որը բացարձակ հորինված մեղադրանք է։ Բա մեկը չի եղե՞լ՝ գնա, ասի՝ «Ձյաձ, ծյոծ, մադամ, մսյո, ես քաղբանտարկյալ ունեմ իմ երկրում, իմ երկրում խաղաղություն չկա, անվտանգություն չկա»։
Լավ, միջոցառումների տասնյակ, հարյուրավոր մասնակիցներից մեկը չկա՞՝ գնա ասի «Տիկին դեսպան, պարոն դեսպան, մեր երկրում քաղբանտարկյալներ կան»։
Իրենք իրենց շարունակելու են դնել այն երեք կապիկների տեղը՝ ոչինչ չեմ տեսնում, ոչինչ չեմ խոսում, ոչինչ չեմ լսում։ Իրենք պետք է դադարեն այստեղ իրենց առաքելությունը դիտարկել բացառապես Փաշինյանի վակցինացիայի, նրա իշխանությունը երկարաձգելու գործ»,- ասաց Արմեն Աշոտյանը։
Ըստ ՀՀԿ փոխնախագահի՝ ամեն հարմար առիթով պետք է «բզել» Հայաստանում հավատարմագրված օպտարերկրյա դիվանագետներին, ռեստորաններում, մարզային այցերի ժամանակ մոտենալ նրանց, հարցեր ուղղել։
«Թե չէ մեզ կշարունակեն դիտարկել որպես էթնոգրաֆիկ թանգարան. եկել են, «կայֆավատ են ըլնում», տարազ-մարազ, քյաբաբ-մաբաբ, գինի ու գնացին»,- ասաց նա։
