Գերմանիայի պաշտպանության նախարար Բորիս Պիստորիուսը զգուշացրել է Գերմանիայի դեմ «Ռուսաստանի նախագահ Վլադիմիր Պուտինի հիբրիդային պատերազմի» մասին։
«Պուտինը հիբրիդային պատերազմ է վարում, և Գերմանիան հատուկ ուշադրության կենտրոնում է: Նա մեզ լավ է ճանաչում, Պուտինը գիտի ինչպես խայթել մեզ»,- հայտարարել է Պիստորիուսը Funke մեդիախմբի թերթերին։
Պիստորիուսն ընդգծել է, որ կարևոր է, որ Գերմանիան պատրաստվի դրան։
«Մենք պետք է պատրաստվենք, որպեսզի կարողանանք վստահորեն դիմակայել Պուտինի սպառնալիքին։ Եթե մենք անտեսում ենք սպառնալիքը, քանի որ դա անհարմարավետություն է առաջացնում, ապա այն չի փոքրանում, այլ մեծանում է», – ասել է նա:
Սակայն ներկայումս ՆԱՏՕ-ի վրա Ռուսաստանի ռազմական հարձակում չի սպասվում, հատարարել է Պիստորիուսը։
«Սակայն մենք չենք կարող բացառել, որ Ռուսաստանը մի քանի տարի հետո կհարձակվի ՆԱՏՕ-ի տարածքի վրա»,- ասել է նա։
