Հայաստանի ու Ադրբեջանի միջև արդեն գործարարների խմբերով է հանդիպում տեղի ունենում, այսօր լրագրողների հետ հանդիպման ժամանակ ասաց ՀՀ վարչապետ Նիկոլ Փաշինյանը։
«Եվ սա տրամաբանական է։ Նոյեմբերից մինչև հիմա շուրջ 26 հազար տոննա ապրանքներ են Ադրբեջանի տարածքով եկել Հայաստան. հիմա արգելք ու որևէ խոչընդոտ չկա, որ Հայաստանից ապրանքներ արտահանվեն»,- ասաց նա։
Փաշինյանը միաժամանակ համոզմունք հայտնեց՝ առաջիկայում Հայաստանից արտահանումներ կլինեն Ադրբեջան։
«Ցուցակներ են մեկը մյուսին փոխանցել, արտահայտել են իրենց հետաքրքրությունը, համոզված եմ՝ ապրանքներ կարտահանվեն Արդբեջան»,- ասաց Փաշինյանը։
