Ղրիմի հյուսիս-արևմուտքում գտնվող բնակավայրերից մեկի վրա անօդաչու թռչող սարք է հարձակվել․ հայտնել է հանրապետության ղեկավար Սերգեյ Աքսյոնովը։
Հարվածի հետևանքով վնասվել է չորս վարչական շենք, մահացել է մի դեռահաս աղջիկ։
Թե կոնկրետ որտեղ է տեղի ունեցել հարձակումը, Աքսյոնովը չի հստակեցրել։
Ղրիմում հակաօդային պաշտպանության համակարգը պարբերաբար աշխատում է։ Աքսյոնովը անօդաչու թռչող սարքերն անվանել է հիմնական սպառնալիք՝ ասելով, որ թերակղզու մյուս շրջաններում անվտանգությունը վերահսկվում է։
Հուլիսի 18-ին Ղրիմի ղեկավարը հայտնել է, որ գիշերը հակաօդային պաշտպանության ուժերը թերակղզու արևելքում խոցել են ինը անօդաչու թռչող սարք, ևս 19-ը ճնշել են ռադիոէլեկտրոնային պայքարի միջոցներով, ոչ ոք չի տուժել։ ՌԴ ՊՆ-ն նաև հայտնել է, որ կանխել է Ղրիմի վրա հարձակվելու Ուկրաինայի փորձը՝ ըստ գործակալության՝ խոցվել է 17 անօդաչու թռչող սարք, ևս 11-ը ճնշվել է։
