Սիրելի’ հավատացյալ զավակներ Հայաստանյայց Սուրբ Եկեղեցու
Այս օրերին, երբ մեր Հայրենիքի ու Եկեղեցու շուրջ փոթորիկներ են բորբոքվում, մեզ առավել քան երբևէ անհրաժեշտ է ամուր կանգնել՝ հավատով զորացած, սիրով միաբանված և անկեղծ հարգանքով շրջապատած մեր Հայրապետին՝ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսին։
Քրիստոնեական պատմության ընթացքում միշտ եղել են ժամանակներ, երբ Եկեղեցին հալածվել է՝ ինչպես դրսից, այնպես էլ ներսից։ Սակայն Սուրբ Գիրքը մեզ հորդորում է․ «Հնազանդեցե՛ք ձեր առաջնորդներին և ենթարկվեցե՛ք նրանց, որովհետև նրանք հոգ են տանում ձեր հոգիների համար, ինչպես նրանք, ովքեր հաշվետու պիտի լինեն» (Եբր. 13:17)։
Այս խոսքերը կենդանի իրականություն են մեզ համար։ Որովհետև մեր Հայրապետը՝ կրելով ոչ միայն Հայոց ազգի աղոթքների և հույսերի ծանրությունը, այլև աշխարհի հայության հոգևոր սպասումները, ամուր կանգնած է իր խաչակրության մեջ՝ ինչպես սյունն է պահում տաճարը։
Մեր սիրո արտահայտությունը միայն զգացմունք չէ, այլ գործ։ Այդ սերն է, որ մեզ մղում է պաշտպանիրու մեր Սուրբ Աթոռը։ Մեր հարգանքը ոչ միայն պատվի խոսք է, այլ՝ մաքուր վստահություն հոգևոր առաջնորդի նկատմամբ։ Իսկ հավատարմությունը՝ սուրբ ուխտ է, որով խոստանում ենք չմեկնել ո՛չ ձայնին, ո՛չ խոսքով, ո՛չ էլ մտքով՝ սրախողխող անելու այն տունը, որի մեջ մկրտվեցինք, օծվեցինք, ամուսնացանք և ի վերջո պիտի հանգչենք։
Այս պահին մեր միմյանց ձեռք բռնելը ավելին է, քան պարզապես հավատքի պարտականություն։ Դա պայքար է՝ ճշմարտության համար։ Դա պահապան փարոս է՝ եկեղեցու նավի վրա բորբոքված փոթորկի ժամանակ։
Ուստի կոչ ենք անում․
Ապրե՛ք քրիստոնեական սիրով, հարգանքով ու հնազանդությամբ։
Բարձրացրե՛ք ձեր աղոթքները՝ ի պաշտպանություն մեր Հայրապետի և Մայր Աթոռի։
Մերժե՛ք պառակտման ու չարության խոսքը՝ որ ելնում է ոչ թե Աստծուց, այլ՝ նրա հակառակորդից։
Ճանաչե՛ք, որ երբ մեր հոգևոր հայրը հալածվում է, մենք էլ նրա հետ ենք հալածվում, և մեր կողմանկից լինելը մեր Քրիստոսասիրության նշանն է։
Եկե՛ք լինենք միաբան մեր Սուրբ Եկեղեցու և մեր սիրելի Հայրապետի շուրջ, որի ձեռքով ենք օրհնվում, ում շուրթերով ենք խմում հավիտենական կյանքի խոսքը, և ում առաջնորդությամբ ենք գնում դեպի Աստծու արքայություն։
Թող Աստուծո օրհնությամբ խաղաղություն ու միաբանություն տիրի մեր Սուրբ Եկեղեցում։
