Ադրբեջանական մեդիան այսօր այսպիսի բովանդակությամբ նյութեր է հրապարակել. «Բողոքի ակցիան Խանքենդի-Լաչին ճանապարհին՝ ընդդեմ Ադրբեջանի Ղարաբաղի տարածաշրջանում օգտակար հանածոների հանքավայրերի ապօրինի շահագործման, շարունակվում է արդեն 100 օր։ Էկոակտիվիստները, ինչպես ցույցերի առաջին օրերին, շատ ակտիվ են։ Նրանք պահանջում են դադարեցնել էկոլոգիական տեռորը ադրբեջանական տարածքներում»։
Բերձորի միջանցքում աշխատող ադրբեջանական լրատվամիջոցները տեսանյութեր են հրապարակում՝ «էկոակտիվիստները», Ադրբեջանի դրոշներով, հիմն են երգում։ Նրանցից մեկն էլ, ինչպես արդեն տեղեկացրել ենք ու տեսանյութը հրապարակել, երազում է հայի արյամբ համեմված լուլա-քաբաբ ուտել։
Այսպես են ադրբեջանցիները նշում «էկոակցիաների» 100 օրը, որոնց իրական նպատակը 120 հազար արցախցիներին ցեղասպանելն է, Արցախն ամբողջությամբ կուլ տալն ու Ադրբեջանի մաս դարձնելը։
Եվ ոչ միայն…
