Նյու Յորքի քաղաքապետ Էրիկ Ադամսի գլխավոր իրավախորհրդատու Լիզա Զորնբերգն անսպասելի հրաժարական է տվել, գրում է Associated Press-ը։
Նշվում է, որ քաղաքապետարանը շաբաթ ուշ երեկոյան հայտարարել է Լիզա Զորնբերգի հեռանալու մասին։
Հրաժարականը տեղի է ունեցել այն բանից հետո, երբ դաշնային քննիչներն առգրավել են քաղաքապետ Էրիկ Ադամսի մերձավոր շրջապատի մի քանի անդամների հեռախոսները, այդ թվում՝ Նյու Յորքի ոստիկանության բաժնի ղեկավարինը, որը հրաժարական է տվել հինգշաբթի օրը։
Ոստիկանության կոմիսար Էդվարդ Կաբանը նույնպես հրաժարական է տվել՝ պատճառ բերելով հետաքննությունների մասին լուրերի առաջացրած «շեղող գործոնը»:
Ավելի վաղ ABC News-ը հայտնել էր, որ Նյու Յորքի քաղաքապետի հետաքննությունը գոնե մասամբ վերաբերում է նրան, թե արդյոք Ադամսը և նրա շրջապատը անօրինական նվիրատվություննե՞ր են պահանջել Թուրքիայից՝ ճնշում գործադրելով հրշեջ ծառայության վրա, որպեսզի այն արագ զբաղվի թուրքական նոր հյուպատոսության ստուգմամբ: Քննիչները նաև պարզել են, թե արդյոք Ադամսը Turkish Airlines-ի թռիչքներում սպասարկման բարձր կարգ ստացե՞լ է:
Իր հերթին Politico-ն ավելի վաղ գրել էր, որ Ադրբեջանի կառավարությունը խուզարկությունից ընդամենը մի քանի ամիս առաջ վճարել է քաղաքապետի երկու օգնականների՝ երկիր մեկնելու համար, ինչը հայտարարվել էր տնտեսական զարգացման նպատակով ուղևորություն։
